الارشيف - ليندا ليندا

Pages: 1

ليندا ليندا
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

قيل عنه سابقا الطفل المعجزة لما كان يتمتع به من صوت غير طبيعي لطفل في عمره انه السلطان جورج وسوف ابن مدينة حمص و هذا مثال بيثبت هالحكي.
خلال تصفحي لموقع السالمية لاحظت انه منزلين كم غنية جداد من قديم ابو وديع و منها غنية كنت سمعانها من زمان هي ليندا ليندا
يمكن مغنيها بشي حفلة بحمص وقت كان عمره شي 15 سنة , قعدت اسمعها و انا مبسوط و عم اضحك من اسلوب الوسوف الرائع بالغناء الطربي و تحريفه الظريف للكلمات باسلوب قد لا يخلو احياينا من الكلمات الخارجة عن السلوك العام و هذا ما نلحظه في مقابلاته الأذاعية او اتصالاته الهاتفية للبرامج رغم قلتها. يعني هذا ابو وديع من يوم يومه مُشبع بالطرب و من يوم يومه بيحب يغير بكلام الأغاني و يختار كلام طالع نازل.
و لمن يحب سماع هذه الأغنية عليه بالرابط التالي:
http://arabic.salmiya.net/songs/wass...m/wassof123.rm

الرائع بالمقطع الثاني هو ذكره لأحياء من مدينة حمص :
قصتي قصة الناس قالوها عني و عنها و الله حكيوها
من الشام لحلب من لبنان و الحالة
من المحطة و الدبلان يا با من الحميدية يا نور عيني
انا بحبك و اسألي قلبي هو يقلك يا لندا
اما المقطع الثالث و يمكن من تأليفه فهو يدفع حبيبته للتمرد على اهلها بطريقة لبقة جدا:
و ان ابقلك قولي لبوكي و ان ما رضيش قولي لأخوكي
اسمعي مني احكيلي ابوكي و ان ما رضيش يلعن ابوكي
انا بحبك و اسألي قلبي هو يقلك يا ليندا
انا بدوري بهدي هالأغنية لكل الحبايب ( اسمعي مني قولي لأبوكي و ان ما رضيش على راسي ابوكي)

Posted by: imad_dahi

يا حسامو والله لو انا بسوريا هلق وبالبيت ما كنت خليتك تنطر ابدا مستر موقع سالمية لحتى تسمع روائع الوسوفيات في صغره
انا عندي بالبيت الحفلة الكاملة لي بغتي فيها هي الاغنية بس عاد بسوريا والله انا مشتاق لهالاغاني
ومجرد قريت الكلمات تذكرت دغري الكاسيت وقلت : اخ مني واخ من الوسوف ... انا ليه ما جبت معي كل كاسيتاتو
ومبارح بالليل بالضبط كنت عم احضر لقاء المستقبل الشهير مع الوسوف : سهرة ليل العاشقين
وانا صرت حاضرها فوق الالف مرة .... يا زلمي ما بشبع منو
بس انا عتبي على هالمواقع لي بيحطو اغاني الوسوف
هلق بالاول منقول الف شكر بس الشي لي بيزعجني هو نسب بعض الاغاني للوسوف وعي بالاصل مش للوسوف
مثلا
قارءة الفنجان لي هي مغنيها خلدون سودان
وخليلي مزاجك رايق لي مغنيها وديع مراد : انا بالزمان هداني رفيق اللبناني كاسيت وديع مراد وقالي هالكاسيت حفلة كتير خاصة للوسوف وع العود كمان .. بالله اول ما بلشت اسمعو قلتلو هيدا مشا الوسوف يا حبيب قلبي

ويا ما حطو كاسيتات باسم الوسوف وكانت بسوريا والوسوف قامت قيامتو وقال جملة مشهورة بيعتب فيها ع السوريين : انا بزعل لما اكتر تشويهات بتطلع هي من بلدي الحبيب سوريا .....
بدون تعليق
بالفعل لانو رفيقي كان مشتري الكاسيت من بياع سوري ع العرباي ....

يالله بعين الله

ومني الك هالموال وما بعرف اذا كمان سمعانلو الحفلة كاملة

و لا انت يا ديب بالفلا مضيع عويلك وانا يا ديب ضيعت الحباب

يا روح روحي وسلمي ع حبابنا

اوف اوف اوف يابا
قال جفوني حبابنا ولما جفوني بكرم محبتي يبسو جفوني
يـــــــــــــــابا يابا يابا يا يا يا با
ويا با ومن كتر ما صبت الدمعة جفوني نبتلي شوك احمر ع الهداب يا هلي يا هلي

يسعد مساكن يا اعز حبابنا

سؤال حسامو : سمعان شي مرة من الوسوف اغنية "" شو بيصعب علي بعدك عن عيني ""؟؟؟

Posted by: hosam abdulaziz

عمادو شكرا لتجاوبك الدائم معي بكل المواضيع عن ابو وديع
انا مثلك و بضم صوتي الك لأعبر عن سخطي من تشويه اسم الوسوف عبر نسب اغاني اليه و مثل ما قلت مواقع قوية و متخصصة بالغناء ما عم تميز بهالشي , مثل غنية عاللي جرى بموقع السالمية.
على كل شو متأمل من موقع حاطط اسم اغنية صياد الطيور باسم سيد الطيور
و الحلاة كأنه كل هالمواقع بتلطش من بعض نفس النسخة للأغنية و نفس العناوين فهالغلط بتلاقيه مكرر باكثر من موقع.
على كل انا سبق و قلتلك حابب ابني صفحة خاصة بالوسوف و ما كنت عم امزح , طبعا هي ضمن المجموعة الموسيقية اللي رح تبصر النور قريبا
و مجموعة الوسوف بتتضمن 130 ملف بين اغنية و موال
و بتتميز بأنها من نوع mp3 ويمكن سماعها ببرنامج رائع بيمكنك من اختيار الأغنية اللي بتريد من المجموعة
و ايضا يمكنك تركه لوحده بعرض الأغاني حسب تسلسلها , يعني ما عليك الا البداية هو بيكفيلك عزف للصبح.
و هالبرنامج ما بيستهلك كثير من سرعة الأنترنت يعني حتى بسورية اثبت فعاليته .
على كل ما رح طول بالحكي يمكن كثير منكم جرب طريقة الأستماع هذه عبر صفحة عيد الأم و الأغاني الوطنية
و هي صفحة الوسوف عمادو قبل وضع اللمسات الأخيرة
صفحة السلطان جورج وسوف
اغنية انت يا ديب بتلاقيها الأغنية رقم 123
اما اغنية شو بيصعب عليي اكيد سمعانها بس للاسف منها موجودة عندي هون

النا لقاءات مجددة عمادو

Posted by: ehasa2007

mercy gedan fedangedan awy thank uthankksssssssssssssssssssssssssssssssssssssssssss ssssssssssssssssssssssssssssssssssssssfor u mer

Posted by: Desert rose

ehasa2007.........تسلميلي وأهلا وسهلاً فيكي بمنتديات زيدل
بس ياقلبي ياريت تكتبي يا إنكليزي ياعربي
أولا ًلسرعة القراءة ...تانياً لنفهم عليكي أكتر
عادةً هيك ردود تنقل أو تحذف ....ولكن كونها المشاركة الأولى لحضرتك رح يتم إبقائها مع إنتظار الأفضل

100 اهلا

زهرة الصحراء

موقع زيدل سوريا حمص .. خدمات تشات و دردشة ... أرشيف المنتدى