الارشيف - مبروك للصفرية

Pages: 1

مبروك للصفرية
(انقر هنا ان احببت مشاهدة الموضوع الاصلي بالالوان و الصور )

Posted by: fr george massis

يحق لكل صفرية الفخر ببنت العيلة أنجيلا سليمان صفر(الأخرس)، وذلك بعدما فازت برآسة المجلس البلدي في ولاية إينياس - البرازيل
وطبعاً هذا شرف وفخر لزيدل كلها اللي بترفع راسها بأبنائها وين ما كان بالعالم كله، فمن كل قلبي بوجهة تهنئة لأنجيلا ولعائلتها الكريمة ولزيدل ولبيت صفر، متنياً التوفيق الدائم وانشالله على طول للأمام
وعقبالكم

Posted by: sulieman safar

مبروك لبنت العم أنجيلا على انتخابها وأكيد كما ذكر الغالي ابونا جورج كلنا نفتخر فيها ونقدم التهاني لكل أل صفر والجالية الزيديلية في البرازيل وأخص منهم العمة الحبية حبسي وأولادها وبيت العم الغالي الياس وأولاده وأولاد العم الغالي بشارة وأخراً وليس مؤخراً أولاد العم الغالي المرحوم سليان وشكراً للغالي ابونا جورج على نقل هذا الخبر المفرح .
سليمان

Posted by: iyad tahhan

عن جد خبر حلو ابونا جورج
خبر بيرفع الراس الف مبروك لابنة زيدل السيدة انجيلا هذا الفوز الرائع .
وايضا الف مبروك لآل صفر واضم فرحتي لفرحتهم بفوز ابنتهم بهذا المنصب واتمنى لها مزيد من التقدم .
افرحي يا زيدل فأنت على موعد مع التاريخ

Posted by: hosam abdulaziz

هلق قبل ما تصير مباركتنا رسمية بحب اعرف من ابونا جورج انه اذا الأخت انجيلا سألت بشي مؤتمر صحافي بالمستقبل عن اصولها , فهل بتعرف تقلهم من سورية _ زيدل ؟؟؟؟؟
اذا ما بتعرف فمصيبة و ما كثير رح نكون مبسوطين بهيك انجاز .
على كل انا بتمنى تكون انجيلا بتعرف بلدها الأم منيح و بتحكي عربي و لازم تزور كمان زيدل مشان نرفع راسنا فيها عالمزبوط و ليش لاء نعمل توأمة بين زيدل و اينياس

تمنياتنا لجميع المغتربين بالتفوق و تبوء اعلى مناصب السلطة في البلاد اللتي بيسكنوها و عقبال الكرسي البيضاوي !!!!!

موقع زيدل سوريا حمص .. خدمات تشات و دردشة ... أرشيف المنتدى