الارشيف - نداء الى الذويقة

Pages: 1

نداء الى الذويقة
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

نداء الى جميع الذويقة و الخبيرين في فنون الطبخ
مبارح اجت عبالي اكلة كثير كنا نعملها بزيدل , و انا بعرف شوي من مكونات هالأكلة بس ما بعرف كيف بتنعمل عالأصول.
حاولت اساتنجد بالشباب عنا بالشغل من سوريين و لبنانيين , فما حدا سمعان بالأسم , فحكيتلهم شوي عنها كمان ما حدا فهم عليي
و لهيك ما لقيت غيركم اطرق بابه.
الأكلة هي (( السفسوف)) و بما انه موسم ورق العنب الطازج عالبواب و هو انسب وقت لهالأكلة فمن المناسب انه نحكي عنها .
انا بتصور انه هناك عدة طرق لتحضير هالأكلة و بتختلف من بيت لبيت و من قرية لقرية , بس اللي بتذكره انه هالأكلة شبيهة جدا بمكونات التبولة بينضاف عليها البصل و البيض المقلي .
فيا ريت كل واحد عنده اي معرفة بطريقة تحضير هالأكلة ما يبخل علينا بطريقة تحضيرها .

Posted by: sulieman safar

هاي المواضيع اللي عم تحتكرها لوقت مناسب ولا بدك تقول انو جعبتك فاضية وكنت تعمل دعاي لحالك كالعادي صديقني انك ذكرتني في بطل لقصة عم أكتبها تحت عنوان "التاجر البخيل". وبنرجع للسفسوف اللي أنا بعتبرو من أطيب الأكلات ولذلك عندي عريشي طرودها فوق طاولة الأكل على شان ما احتاج اترك الأكل في حين خلاص ورق العنب. أما طريقة التحضير فهييا سهلي جداً.

تشش كمية صغيرة من البرغل الناعم في ماء باردة لمدة نصف ساعة على توقيت غرنيتش.
أقلي دزينة بيض مع حوايجها من البهارات وبشكل رغيف وتأكد أن تكون باللون البني من الجهتين(بسمن عرغبي).
قطع كمية وافرة من البندورة والبصل الأخضر وقليل من البقدونس مع سن ثوم.
قطع البيض حسب ذوقك وأخلط الكل سوية وكول وميت صحة وعافية.
تأكد أن تجلس على مائدة الطعام في مكان فضي عل شان تأخد مدى عصاتك.
سليمان.

ملاحظة:
يا للأسف مافيني أعزمكم على أكلة سفوف ,كعادتي, لأنو ورق العنب خلص وقته لذلك رح اعزم حالي لعندكم. ألكريم بيضل كريم مهما كان.

موقع زيدل سوريا حمص .. خدمات تشات و دردشة ... أرشيف المنتدى