الارشيف - ليش النكت عن الحماصنة؟؟؟

Pages: 1

ليش النكت عن الحماصنة؟؟؟
(انقر هنا ان احببت مشاهدة الموضوع الاصلي بالالوان و الصور )

Posted by: Nada1981

ليش دايمان النكت بتكون عن الحماصنه ؟؟!!
اصدقائي,

اعتقد الاخوة و الاخوات المشاركين بهذا المنتدى كلهم تابعين لمدينة حمص( زيدل, فيروزة او من حمص نفسها).

انا عنفسي من مواليد حمص-الحمدية (يوم الاربعاء بلتحديد يعني حمصية اصلية

) )بس اجداد الاجداد كانو من صدد.

و من هواياتي المفضلة هي سماع و حكي النكت و خاصة اللي عن الحماصنة تحديدا

المهم السؤال الذي لهذا الوقت ما لقيت له جواب هو:

ليش النكت المضلة عند الناس كلها تقرينا هي عن الحماصنة؟؟؟ و ليش الحماصنة تحديدا و ما الحلبيين ولا الشاميين مثلا؟؟

هل من اجابه؟؟

و على سيرت النكت هي اخر نكته عن الحماصنه:

قال ليش الحماصنه لهلا ماراحو عزو بلحريري ؟؟
قال لانه لهلا ماعرفو مين الي مات الحريري ولا رفيقه, ما اسمه رفيق الحريري ههههههههههههه

ياريت اللي عنده نكت ظريفة يبعتها رد.

تحياتي للجميع

ندى

Posted by: imad_dahi

يعني من نص الحميدية يعني هيك بدك تقوووووووليلي وما بتعرفي ليش الحماصني بالذات

هيني ...
اول شي بعتقد انو انو انو انوووو سمعي شوي ما عم تطلع معي
ايه اوكي
انو انتي جديدي معنا بالمنتدى والا انا غلطان .......الك معنا زمان وانا ما ني عارف
مع انو انا ملزق بالمنتدى
مانا فيها
ليش ع الحماصني
انا بقلك ليش
لانو هني اهضم شعب واذكى شعب وبس والباقي مانو خس لانو الباقي ع العين وع الراس
بس ميشان النكتة لي طلبتيها رح حط وحدي وكمان رح زيدلك لينك صاحبنا عبودي لي هو عمل فحص لدمو بالمشفى ليعرف زمرة دمو قام طلع نكتجي ايجابي

قال واحد حمصي ماشي بالطريق فشاف 500 ليرة سورية جديدي ..... صار يتلفت يمين وشمال ويشوف اذا حدا منتبهلوووووو ... فلقى انو ما حدا شايفو ..... شو عمل .... شال ال 500 الجديدي وحط مطرحها 500 قديمي وهرب ......... معقول بربك تعملها يا زلمي

وهدا لينك عبودي

http://www.zaidal.com/229/showthread...=&threadid=518

واهلا وسهلا

Posted by: Nada1981

صح نسيت قول اني جديدة هون بس عرفت عنحالي بغير منتدى بس فيني عرف عنحالي كمان مرة منشان حضرتك.

اسمي ندى من مواليد حمص, الاقامة : هولندا, العمر : 24 سنة, سنه 2 جامعة حقوق

شكرا كتير على اللينك و انشاء الله اكيد رح شارك فيه

مع تحياتي,

ندى

Posted by: suher issa

اهلا وسهلا ندى ويا احلي حمصية اصليا
يعني كتبتلك شكرا بالهولاندي لان بفهم شوي وحبيت اقولك هيك لاشكرك على مشاركتك الضريفة
والموضوع النكت على الحماصنة هو اول ما طرحو دكتور اسنان واسمو فكتور ومن زيدل وحمصي
يعني نحنا صحيح من زيدل وتابعين لحمص ولكن احسن نكتب عن حالنا وما نكتب على الغريب وهيك بنضحك على حالنا والنا الشرف ان نكون تابعين لحمص ومجانين ههههههههههههه
بس يعني احلى الضحك من النكد ولو ما طلع فيه نهفات ونكث على الحماصنة كيف رح نضحك هيك
ههههههههههههههههههههه
اهلا وسهلا معنا عزيزتي وبتمنى تشاركينا بكل المواضيع لان كمان الحماصنة بيعرفو يناقشوا بمواضيع جدية
سهير العيسى
27 سنة
اصل زيدل
وفي اسبانيا حاليا
حبيت اكتبلك عن حالي بما انه كتبتي عن حالك
وبالتالي بنشبه بعض بان منحب الضحك والنكث
لك محبتي

Posted by: Nada1981

عزيزتي سهير

شكرا كتير على ردك الحلو, بصراحه انا زرت اسبانيا من سنتين بس ماكان في وقت اتعلم شي كم كلمه

انا كتير سعيدة بمشاركتي معكم بلمنتدى وانشاء الله اكيد رح شارك معكم

تحياتي

ندى

Posted by: فايز زكور

بداية تحية لكم جميعاً وسأحاول الاجابة على السؤال المطروح وهو لماذا النكت تطلق على الحماصنة فقط.
من خلال مطالعتي للكتب القديمة وكتب التراث الشعبي تبين لي أن هذا الأمر له خلفية تاريخية قديمة تعود تحديداً لبدايات الغزو المغولي لسورية .
كان المغول إذا ما فتحوا مدينة ما قاموا باستباحتها و التنكيل بأهلها من قتل وسلب وهتك أعراض . فلما وصلت أنباء القتل والدمار فزع الناس خصوصاً بعد سقوط الموصل في العراق ثم توجه المغول شرقاً لحلب حيث فتحوها وأعملوا السيف في أهلها .
هنا خطرت للبعض في حمص فكرة تقول بأنه بما أن حمص ستسقط بأيدي المغول لا محالة حيث أن مدناً أقوى وأمنع منها قد سقطت ، فعلى الناس التظاهر بالجنون يوم دخول المغول لحمص وكان الاعتقاد السائد آنذاك أن من عاشر مجنوناً قد يصاب بعدوى الجنون منه (ولهذا كان يتم الحجر على المجانين).
ولا تفصل كتب التاريخ عما حصل بالضبط لكن من الواضح أن حمص سلمت بهذه الفكرة من شر المغول الذين تركوها مسرعين ليفتحوا دمشق فتم لهم ذلك ونهبت المدينة واعتدي على سكانها .
كل هذه الأحداث لم توصلنا لحد الآن لبيت القصيد . ما حدث بعد ذلك أن أخذ أهل حمص يعيرون أهالي باقي المدن بأعراضهم وشرفهم (يعني الحماصنة هم من بدأ ) مفتخرين بأنهم صانوا نسائهم وبناتم من المغول فوصفوا باقي أهالي المدن بأنهم مثلاً (بناديق تيمورلنك ) وهذه التعابير سمعتها بنفسي من بعض المسنين في يومنا هذا .
وكان لمثل هذا الكلام وقع قوي على باقي المدن خصوصاً حماة ودمشق المجاورتين وإذا علمنا بأن التنافس كان قائماً بين حماة وحمص من القديم فقد اضطر الحمويون للدفاع عن هذه الاهانة التي ما بعدها اهانة فكل شيء مسموح التكلم به إلا الشرف . فنعتوا الحمصيين بالجنون وراحوا يؤلفون عنهم القصص والحكايا التي تحولت فيما بعد لنكث تداولها الجميع حتى الحمصيون أنفسهم ولعل الدور الأكبر لانتشار هذا النوع من التندر على الحماصنة طبيعة الحماصنة أنفسهم فهم ودودون بطبعهم بسيطو التفكير ولا يحملون حقداً بالاجمال وهذا سمح للآخرين بالتمادي أكثر فأكثر .
ومن يطالع كتب الرحالة القدماء يجد الكثير مما ذكروه عن نوادر أهل حمص وسذاجة بعضهم ولعل أطرف ما قرأته عن الحماصنة ما ورد في كتاب رحلة فتح الله الصايغ الحلبي في أوائل القرن التاسع عشر عام 1812 م وهو مر بحمص وصدد والقريتين وقد لا يتسع المجال هنا لذكر الكثير
أرجو أن أكون قد وفقت في تقديم ما تمكنت من الحصول عليه من معلومات ودعوني ختاماً أنهي ما كتبته بذكر حادثة طريفة جرت أيام العثمانيين . فقد تقدم أهالي حماة بطلب للمتصرف العثماني بمنع أهالي حمص من استخدام مياه نهر العاصي كون النهر يمر بحماة ولايمر بحمص (يمر بأطرافها) وكتبوا عريضة وقع عليها أكابر حماة (عندي صورة عنها لمن يود) ناشدوا فيها المتصرف داعمين طلبهم بحجج أبسط ما يقال عنها أنها تثير الضحك .
وبعد بتحكو عالحماصنة ..........
ودمتم
الصيدلاني فايز زكور

Posted by: Nada1981

,الله يا استاذ فايز القصة هي اول مره بسمعها, والشي اللي عملوه اهل حمص دليل على الذكاء متل مابيفولو.. وشكرا على المعلومه.

مع تحياتي

ندى

Posted by: ABUODEE

سوف اضيف على ماقلتوه معلومة

لم يسبق لاحد ان عرفها

هل تعلم ان الحمصي

هو اول من اخترع الهاتف ابو كاميرا

نعم موبايل الكاميرا

حمصي هو الذي ابتكره

ودليلي على ما اقول هذه الصورة

[grade="00008B FF6347 008000 4B0082"]وهذه النكثتين الحمصيتين اهداء مني لجميع محبي النكت[/grade]#########################

في مجرم حمصي الاصل الشرطة عم يحققون معه...
الضابط قاعد يسئله ......
وين ساكن ؟؟؟؟؟؟قاله مع اخي
الضابط قاله واخوك وين ساكن
قاله معاي....
الضابط عصب وقاله انت واخوك وين ساكنيين
قاله مع بعض

##########################

واحد حمصي رجع من امريكا

قاعد بيحكي لأبوه وأمه الاشياء الغريبة اللى شافها .

انا شفت هناك واحد وقع من فوق عمارة طويييلة..

تم ثلاث ايام لحد ما وصل الأرض.

أمه سألته: طيب مات ؟؟

ابوه رد عليها: ثلاث أيام لا يأكل ولا يشرب ..

أكيد رح يموت

Posted by: Nada1981

ههههههههههههههههههه حلوة هي أخ ABUODEE

قال اول من اخترع موبيل ابو كاميره, ملعوبه ..........

شكرا كتير على المشاركه الظريفه

تحياتي

ندى

Posted by: silva

الى خفيفة الظل وقريبة من القلب الأمورة ندى لاجمل ابتسامة لماذا الحمصي يضع أنتيل التلفزيون فوق البراد لك تحية و تدوم برفقتك الابتسامة

Posted by: Nada1981

عزيزتي سيلفا.................

عنجد مابعرف كيف بدي رد عليكي و على الكلام الحلو الي قلتيه عني, يعني مابكفي سهير نزلتلي صورتي الحلوه بلمنتدى و ماعم لحق رد على الرسائل الخاصه و عبودي الي سماني ام دم خفيف و هلا كلامك الحلو عني يعني كملت الله يساعدني

و صدقيني الضحكه بلاكم ما بتسوى شي عندي, انا ممكن اضحك كل اليوم بس لمى بسمع انه انتم كمان عم تضحكو معي بتزيد ضحكتي. و الله مايحرم حدا من الضحك و الصحه و السعاده.

و بصراحه حزورتك حلوه و ماعرفت الجواب, عجزت

تحياتي

ندى ( ام دم خفيف سابقا )
خفيفة الظل وقريبة من القلب الأمورة ندى حاليا

Posted by: silva

ياغالية الحمصي ذواق وفنان مطبخ لهذا السبب يضع الانتيل على البراد ليسحب أكلات الجيران الطيبة واللذيذة وصحتين على قلوب أحبة المنتدى

موقع زيدل سوريا حمص .. خدمات تشات و دردشة ... أرشيف المنتدى