الارشيف - شو ما لكم شغلة غيرنا

Pages: 1

شو ما لكم شغلة غيرنا
(انقر هنا ان احببت مشاهدة الموضوع الاصلي بالالوان و الصور )

Posted by: wisam

اليكم نسخة من بريد تلقيته اليوم من الجمعية المعلوماتية لاكثر من مرة
السادة المشتركون في مزود خدمة الانترنت في الجمعية العلمية السورية للمعلوماتية المحترمين
يهدي مزود خدمة الانترنت بالجمعية العلمية السورية للمعلوماتية أطيب تحياته ويود إعلامكم أنه قد وردنا كتاب من المؤسسة العامة للاتصالات برقم 4/5/18 تاريخ 9/2/2005 يؤكد على ضرورة التقيد بعدم إجراء أي اتصالات صوتية عبر الانترنت لأن هذا الاتصال يعتبر غير قانوني مع العلم أنه سيتم اتخاذ الإجراءات القانونية بحق المخالفين، وعليه فإننا نطلب التقيد بالتعليمات الواردة من المؤسسة العامة للاتصالات تجنباً لأي إجراء قانوني يمكن أن يتخذ بحق المخالفين لتلك التعليمات
شاكرين حسن تعاونكم
دمشق في 23/2/2005 إدارة مزود خدمة الانترنت في الجمعية العلمية السورية للمعلوماتية

يعني ما ضل عنا مشكلة بالبلد الا ملاحقة الناس التي تريد التكلم مع احبائها و اهلها في الخارج عبر الانترنت لتتجنب لسعات فواتير مؤسسة الاتصالات القاتلة ...
للعلم : و من خلال متابعتي لامور الاتصالات .. سورية من اغلى الدول في المنطقة لا بل في العالم ...
خبر اخر : ان اي دولة تود الانضمام الى منظمة التجارة العالمية لا بد لها حكما من فتح الاتصالات عبر الانترنت او النت تو فون .. لذلك عاجلا ام اجلا سنضطر لفتحة فلنفتحه من الان اكراما لشعبنا و ليس اكراما لجهات دولية (بفرض اننا ننوي مستقبلا الانضمان لهذه المنظمة )
معلومة قديمة : سوريا الدولة الوحيدة في المنطقة التي تحجب الاتصالات عبر الانترنت و تلاحقها بكافة اشكالها و اليوم حدث امر خطير انهم حتى نوهو لمنع المحادثة الصوتية عبر انترنت و ليس فقط النت تو فون اي من انترنت لهاتف

الخلاصة احذروا حتى لا تتعرضوا لاجراء قانوني لم اعرف ماهيته حتى الان و اعذر من انذر

Posted by: shadi

معك حق وسام .......... يعني انا أول ما قرأت الإيميل فكرت فوراً نزلو بالمنتدى لنناقش الموضوع الي ما عاد ينسكت عنو يعني مو ناقص غير يحجبو النت من أساسو .......وبتوقع أنو قطاع الإتصالات في سوريا من أنجح القطاعات العامة بموضوع الأرباح بس الظاهر أنو نسبة الربح خفت ........ يعني بس الفوتة على النت كمان فيها كلفة مو سهلة ................. الله يسامحهن ........... بالنهاية لا يصح إلا الصحيح وخليهن يلحقوا لشوف شو بدهن يلحقوا على العالم.

Posted by: فايز زكور

والله الخبر مزعج
يعني لا بيرحموا ولا بيخلوا رحمة الله تنزل ع البشر
بس بكرة الشباب الطيبة (الشوام عالأخص) بيطلعولهن بشي (فنّة )جديدة بيخربطوا الأول بالتالي
ونحن ننتظر
و دمتم

Posted by: Desert rose

مع أنو موضوع المعلوماتية السورية مابيعنيني بشكل مباشر إنما بيضل يعني ناس بالنهاية هني جزء مني ؟؟؟؟
وبكل أسف رح أتهمكن ياشباب بنكران الجميل والخيانة بهيك ردود باطلة عن المعلوماتية اللي بتسيء لحرية المواطن ووضعه .

روقوا :

لو قريتوا ما خلف الرسالة وبشفافية

رح تكونوا مرتاحين ومبسوطين أكتر ؟؟

وسام ماتاخد على حالك......... المعلوماتية مش متضايقة من أمثالك اللي النت بالنسبة الها مش بس تسلية ....وبيقدروا الوقت .....والمصروف .....وال وال الخ

الدولة من حرصها على بعض جماعات ....ومن خوفها على بعض الناس اللي لاحول ولاقوة بالله الا يحكوا على أميركا وأستراليا ساعات على النت قامت بهيك خطوة ؟

هي عارفة أنو أبناء الوطن بها الأيام ماعم يسمعوا نصيحة الأهل عن (( البعزقة )) على النت وخصوصاً على النيتوفون وغيروا من الكروت ........فمشان هيك لاقت انو مصلحة المواطن السوري ومستقبلوا هي اللي بتحددوا وبتقرروا ..........وماتستغربوا متل ماقال شادي ترجعوا عالحديدة كيف يعني :

يعني متل ماعلت أسعار الريل أي بي لتلغي الفويس تشات ............ترجع تعلي سعر الإشتراك بالنت ويضطر البعض يبعد عن هالخدمة ..........وطبعاً هيدا كلووووووووووووا لمصلحة المواطن .

يافايز شو بدك أكتر من هيك رحمة توفر كم ليرة سوري لآخرتك ؟؟؟؟؟؟؟؟؟

ولازم ذكرك عزيزي بأنو وراء كل فنان عظيم فنان عظيم أكبر ... وخصوصي الفنانين بالشام ؟؟؟

هل بدل ماتقدموا شكركن العظيم للمعلوماتية السورية عم تهاجموها بها الطريقة العجيبة معقول ل ل ؟؟

المهم تضلوا متفائلين بالخير وكل شي بيجي من الوطن للمواطن منيح ؟؟

والأهم انتوا تضلوا بخير

زهرة الصحراء

Posted by: fr george massis

صلوا ولا تملوا
وما بعد الضيق إلا الفرج
وكل ديك على مزبلتوا صياح
ووووووووووووووووووووووووووووووووووووووووووالسلارم عليكم

موقع زيدل سوريا حمص .. خدمات تشات و دردشة ... أرشيف المنتدى