الارشيف - كيفية قص الصورة و التلاعب بابعادها

Pages: 1

كيفية قص الصورة و التلاعب بابعادها
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

صحيح يمكن الموضوع سهل عالكثير منكم بس في ناس حابب وصلهم الفكرة و طريقة التلاعب بحجم الصورة او قص جزء منها
و خصوصي الصديق الغالي جورج مصيص اللي بتمنى هو و غيره يستفيده من هالشرح.
انا رح اشرح على برنامج الرسام Paint الموجود بكل الجهزة اللي بتتعامل نظام windows لأنه ما حابب فوت بقصة تحميل برامج جديدة.

اول شي كيف بنفتح الرسام Paint بنلاحق المسار التالي
start ------All Program-------------Accessories----------Paint
ابدا----------- كل البرامج----------------- ملحقات -----------الرسام

بس فتح الرسام بنفتح الملف المطلوب فيه من خلال الخيارت الموجودة بالأعلى
file ----------open
او من لوحة المفاتيح ctrl+o وبعدها بنقي الصورة المطلوب التعديل عليها

بس فتحت الصورة بنختار المربع المنقط كما موضح بالصورة التالية:

بنلاحظ انه مؤشر الفأرة تحول لشكل صلبيب
بنحط الفأرة بالزاوية اللي بدها تكون احدى حدود الصورة العليا مثلا
بنبلش نسحب بالفأرة لنحدد القسم اللي بدنا نقصه و بيصير عنا القسم المحدد محاط بأطار منقط مثل بالصورة السابقة

بعدين بنكبس زر فارة يمين و بنختار قص او cut
بنلاحظ اختفاء القسم اللي حددناه.

بعدين بننقر على image من فوق و بنختار clear image
فبتصير الصورة عنا بيضاء

بعدين من Edit بنختار paste او اذا بدكم من لوحة المفاتيح ctrl+v

فبنلاقي الصورة المقصوصة رجعت عن جديد بس غالبا بتكون محاطة بزيادات بيضاء

بنعلم عالنقطة الزرقاء بنهاية الزيادات البيض و بنبلش نسحب الفارة باتجاه الصورة حتى تختفي جميع الزيادات البيض و بتصير الصورة هيك

هلق اذا ما بدنا نغير بحجمها بننتقل فورا لخطوة الحفظ.

اما اذا حابين نصغرها شوي فبنروع على image من الأعلى و بنختار stretch/skew
و بعدها بنغير بابعاد الموجودة اذا بدنا نصغر الصورة بنختار اي قيمة اصغر من 100
اذا بدنا نكبرها بنختار اي قيمة اكبر من 100
فمثلا اذا بدنا نصغر حجمها للنص بنحط قيمة 50 محل ال horizantal و virtical

هيك بنكون خلصنا و بننتقل للحفظ:
للحفظ بنكبس file و بنختار save as و ليس save لأنه الثانية بتخلي الصورة تنحفظ بدلا عن الأصل بينما الولى بنحفظها بالنسق اللي بدنا اياه و بنسخة جديدة غير الأصل

بس اخترنا save as بنتأكد انه نوع الملف المراد الحفظ فيه هو JPEG لأنه الأنسب من ناحية الحجم و الدقة
بنحدد المكان اللي بدنا نحفظ فيه و بنحط موافق و هيك بنكون خلصنا العملية.
شفتوا ما اسهلها ؟؟؟؟؟؟

طبعا هناك برامج متعددة بتقوم بهالمهمة و يمكن خصائصها اكثر و اسهل phptpshop photo brush ....... بس الرسام توفره بكل اجهزة امر مهم

بتمنى الفائدة للجميع و اذا حدا عنده سؤال ما يقصر انا بالخدمة
ملاحظة هامة للجميع :
للحصول على تصفح افضل في المنتدى يجب ان تكون الصور المرفقة بعرض لا يتجاوز 525 بيكسل نرجو دائما الألتزام بها قدر المستطاع

Posted by: a_aroush

حبيت ضيف مثال على العمل اللي عم تقوم فيه حسام أرجو أن يوضح لهم الفكرة .

Posted by: hosam abdulaziz

و الله يا عبد الله عمل رائع خيييييييي
اول شي منيح انك مهتم و ثاني شي اخذتلنا بثارنا من عبودي
على كل بتمنى من اللي بينجحوا يجربوا يحملونا كم صورة حلوات و انا ناطر من ابونا جورج عينة للمحاولات اللي رح يقوم فيها لنعرف اذا مشي حاله او لأ؟؟؟؟
يا بكون استاذ فاشل يا اما ابونا بيكون تلميذ كسلان ؟؟
او بننجح ثنيناتنا سوى

Posted by: hosam abdulaziz

نسيت علمكم شغلة و هي حول كتابة أي شيء عالصورة
فهي شغلة سلهة
و هي مثال على هالشي و هدية لأبونا جورج اللي ناطر تجربته الأولى
يعني بس بنكبس على الأيقونة اللي على اليسار شكل حرف A و بعدين بنحدد المساحة اللي حابيين نكتب عليها
و من ثم بنكتب المطلوب باللغة المطلوبة هلق لو حبينا تغيير لون الكتابة بيتم هالشي من الشريط باسفل البرنامج
بس ننقر عاللون المطلوب و الخط فورا بيتغير لونه
اما الحجم و نوع الخط فبيتم عبر text toolsbar اذا منه ظاهر قدامكم بس كبسو زر فارة يمين محل ما عم تكتبوا و بتعلموا عهالخيار و لحالوا بيطلع قدامكم
بتصور البيقة ممكن ينفهم من الصورة التالية

موقع زيدل سوريا حمص .. خدمات تشات و دردشة ... أرشيف المنتدى