الارشيف - كرنفال البرازيل

Pages: 1

كرنفال البرازيل
(انقر هنا ان احببت مشاهدة الموضوع الاصلي بالالوان و الصور )

Posted by: fr george massis

يعني عزمنا الجميع على الكرنفال وما حدا رد علينا ليش ما ني عارف؟؟؟؟؟؟؟؟
على كل حال لنحطكم بأجواء هالإحتفال العالمي الشهير جداً واللي هوي غني عن التعريف........
طبعاً هوي عبارة عن مسابقة بين مدارس الرقص السمبا بكل البرازيل والمسابقة شبيهة بالدوري الكروري بكرة القدم ففي مدارس درجة أولى وثانية وثالثة............
في كل مدرسة تتألف ما بين 3-4 ألالاف راقص وراقصة يؤدون موضوع معين تم اختياره من قبل لجنة الحكم وتسير المسابقة على النحو التالي: هناك مسافة 1 كم يجب أن يقطعها الفريق بكل أعضاءه خلال 51 دقيقة فقط فالوقت مهم وكل زيادة وتجاوز للوقت بينقص العلامة للمدرسة كمان الأزياء المختارة مهمة والمحافظة على الموضوع العام وتقديمه من خلال المدرسة مثلا السنة كان موضوع غحدى مدارس سان باولو التنين الصيني وحضارة الصين فعمل الفريق عربة ضخمة تتقدمها رؤوس تنانين ذهبية عملاقة........
الموسيقى ولحن الكرنفال مهم والجميع يجب أن يأدوا الرقص والغناء بتناغم واحد ............
ويبقى اليوم الأهم يوم إعلان النتائج الرسيمية والمدرسة الفائزة.......طبعاً جميع الراقصين متبرعين وكل واحد بيدفع ثمن لباسه،/ كما وتقيم المدرسة عروض خاصة للسواح وتتلقى أجراً على ذلك
وهلق انشالله ينجح ارفاق الملف معي مثل عبدالله لنشوف

Posted by: sulieman safar

صدقني أبونا عزيمتك ما بتتفوت أنا جاي وجايب معي أكلت سمك بتعجبك.بس بدك الصراحة أبونا ما لازم كنت تخلي العزيمي مفتوحة للكل.فزعنالك على الشباب العزابية, مثل حسام وطلال وشركاهم, اذا شافوا الكرنفال يطير عقلهن وما يرجعوا وتبتلي فيهم يعني لا تشد ايدك هالعزابيي ما فيهم كبرا. أما بالنسبي الي بيجوز العب دور بالكرنفال, بدي جيب هالعود معي والبسلك جلابيي(على أساس سفير حضاري )وصير أعزف واخلع بين الصبايا وأكيد رح يسنبلوا ورايي. أما بالنسبي للبس الجلابيي في البرازيل بدي احكيلكم هالنكثي:
عندما راح للبرازيل المرحوم أبو رهيب كان لابس جلابية وعقال ومنديل. وعند مغادرت البرازيل وفي المطار كما يبدو كانت حمولته شوي زيادي وكانوا بدهم يدفعوا على الزيادة.عندها استعان في أحد أقربائه لأجل الترجمة وقال للمسئول: اذا ما بتنفدولي الحمولي رح أقطع البترول عنكم. وهكذا صار انهم نفدولو الحمولي بدون دفع.
هير هدايي وكثر أبونا ولا يهمك.
سليمان

Posted by: suher issa

ابونا على سيرة الكرنفال عندكم الاول وعنا ثاني واحد باعالم
http://www.laspalmascarnaval.com/set.html
اتطلع عليهم كمان مشان ما تشوف حالك علينا
ومعزوم انت وعم سليمان والعائلة والكل البحبو لعنا مشان تشوفوه

Posted by: hosam abdulaziz

مرحبا يا جماعة يعني انا عهوى اللشي اللي بعرفه عن كرنفال البرازيل انه بيستاهل الواحد يتعنى هالمشوار و كيف اذا كان بضيافة ابونا جورج
من مدة عزمني ابونا لعنده عالبرازيل , بقا قلتله بروح عشرط تفرغلي شي صبية لتدورني بالبلد لأنه بصراحة مني مجبور اتعنى عالبرازيل و بالأخير خلي كاهن يدورني بالبلد , لو هيك هدفي كنت رحت زرت سناء ببيروت و قضتلنا اياها من حريصا لمارشربل و رفقة و بترجعنا عحريصا .
بقا الواحد بيتعلم من اخطائه و معد عيدها .
و الله ما قال شي ابونا و وعدني بسياحة مميزة , و هلق هو من هلق بلش يحطني بالجو و بعثلي اليوم صور عن الكرنفال من موقع برازيلي و نقيتلكم وحدة منها ( تعذبت كثير للقيت وحدة مقبولة)

موقع زيدل سوريا حمص .. خدمات تشات و دردشة ... أرشيف المنتدى