الارشيف - تجربة

Pages: 1

تجربة
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

تجربة

Posted by: eyad

يا اخي

شو هالتجربة

والله حسيت انو في قذيفة نازلة بنص هالمنتدى

بعكس القذائف البشرية

بربك عمول تعديل

و حط هيفا مثلا

Posted by: Desert rose

[align=center]طلبك بمحلوا إيادددد

يعني مابيفهوا علييييي الا سكان الأشرفية

من الصبح شفت هالمشاركة الحلوة تجربة ؟؟؟

وأنتظرت شي ساعة قلت ممكن يكون حسام عم يجرب اذا هالطيارة بتطير .....بس ماطاررررت

فياعزيزي أبو الحيس ياريت تبقى تعمل حقل هالتجارب بالطيران بعيد عنا وعن الصفحة الرئيسية ألا اذا هالطيارة ممكن تحملك وتجيبك على سوريا ولبنان

((إياد نسي حسام يمكن أنو اللي بيعاشر القوم أربعين يوم صار منهم وفيهم ))[/align]

[align=center]***[/align]

زهرة الصحراء

Posted by: eyad

و انت قلتيها

و طالما مار يوسف و الاشرفية فهموا على بعض

قولك حسام بيقدر يلقطها

وينك يا حسااااااااااااااااااااااااااااام

عدل بابا عدل و المتل بيقول

على قد خيالك عمول تجارب

لطشة هيدي انتبه

Posted by: habibalomrre

[align=justify]شو الموضوع ... ؟؟؟
في شي سلاح جديد بدو يجربوه فينا حسام ( أميركا ) , يعني إيه والله المنتدى مو ناقصو تجارب اللي فيه مكفيه, حاجي تجارب فينا يا زلمي والله منشتكي لمجلس الأمن بعدين ...!! نصيرُ الضعفاء وحامي حمى القرار الحر والمستقل خاصتنا...!!! أنا بنادي كل ممثلينا المتعبين في مجلس الأمن والمنتخبين ديموقراطيا ً من العديد من المقهورين ليردوا عنا هذا الضيم والقهر الذي يتمثل بصورة الرعب الصباحي الموضوعة على صفحات الألم ... باسم التقدم والتطور والدفاع عن النفس, واستباقية الأمر قبل وقوعه, نطالب الإدارة الموقرة في المنتدى ... وخاصة حسام أن يضع صورة معدلة وروحانية لهيفاء وهبي علنا ننسى هذا الرعب الصباحي الاستباقي المتمثل بجناحي عصفور الحب المدمر..؟؟ والذي أتعبنا النظر إليه خوفا ً ورعبا ً من هذا القادم السريع والمعدل والمحمل بأقلام ٍ نوعية ذات متطلبات خاصة ومحيـَّات تمحي فينا الأخضر واليابس, (( بس شرط تكون صورة حلوة ولسه ما انوضعيت بالمنتدى قبل هلق )) وشكرا ً للسامعين... وللناظرين... وللملبيين .

حبيب العمر [/align]

Posted by: hosam abdulaziz

يعني يا جماعة انا كنت عشوي رح طق من الضحك .

جيت فتحت الأوت لوك و اذا افاجأ انه بريد المنتدى عميخبرني بوجود رد من قبل اياد على موضوع انا مشارك فيه و المفاجأه انه عنوانه تجربة!!!!!!!
انا هون ادركت الخطأ الكبير اللي وقعت فيه , و هو عأساس اني قمت بحذف هالتجربة بس يمكن كنت نعسان وقت عملتها و مني مركز كثير .
و وقت فتت عالمنتدى تفاجات بكثافة الردود الرائعة عهالغلطة و عن جد صرت اضحك من جوى قلبي و مثل ما بيقولوا رب ضارة نافعة .
يعني هي غير مع الحماصنة ما بتزبط , من غلطة صغيرة خلقنا جو من المرح بالمنتدى بوقت يمكن نحنا بأمس الحاجه الها.
هلق انا رح صحح الغلطة و رح انزل عند رغبتكم بعرض صور للحسناء و عارضة الأزياء هيفاء وهبة و رح تكون بعنوان F16 وهبة , طائرة معدلة تستطيع اختراق جدار العقول و القلوب بسرعة تفوق سرعة السيالة العصبية من الدماغ الى ابعد عضلة في جسم الأنسان.
هلق شو قصة التجربة تما تقولوا خرف الرجال :
من يومين نزل ابونا جورج صورة يشكر عليها كانت بابعاد كبيرة جدا (طول و عرض) مما يسبب في تشويه شكل صفحة المنتدى , و ما بعرف ان لاحظته هالشي باكثر من مشاركة بالسابق .
فأنا كنت عم اشتغل عالفرونت بيج بوقت متأخر و كنت نص نايم , من اجل الوصول لبرمجية بتنظم ابعاد الصور و بتجعله محتوى ضمن حدود المنتدى فقط و كل ما يزيد عن ذلك تقوم باخفائه , و بالفعل نجحت بهالشي و حبيت اجري تجربة فما لقيت قدامي غير الطائرة العملاقة لحبايبي الأميركان ( مو هيك حبيب العمر ) لجرب عليها و شوفة عينكم كيف انه التجربة ناجحة و كيف انه الطائرة مبينة بحجم ابعاد المنتدى و القسم اليسر منها مقطوش , بس اذا حفظته الصورة عجهازكم بتبين كاملة و بدون أي نقص .
لهيك عذروني يا جماعة عهالسحبة و بتمنى عليكم ما تفكروا انه عندي أي خلفية سياسية من وراء هالتجربة لدعم الأميركان او بناء شعبية الهم بالمنتدى ,
و هلق بتركم مع صور الطائرة اللبنانية الصنع
و عذرا اذ سهوت.

بتحب كل معجبينها كمان , قلبها كبير و بيساع

Posted by: victorwardeh

إي منيح ما نزلت مشاركتي يا حسام اللي كنت مجهزلك ياها ومنيح ما خجلت الشباب وانا من عندي بقلك صح النوم حساااااااااااااااااام وانشالله هالصورة تطيرلك النوم من عيونك ..

______________________________

Posted by: eyad

عيني عليك

يا رب تغلط على طول

Posted by: George daboul

عادة يكون الاعتذار بمستوى الجرم
بمعنى ممكن نعتبر انو حسام حاول يعتذر
وياريت يكون اعتذار حسام بشكل أو ضح وأفضل
وإذا استطعت تمتع عيونا بشي كم صورة حلوة
ممكن تخجل أقلامنا ةتوجهلك أي انتقاد
وأنت حر بس الأفضل متابعة الاعتذار

Posted by: fr george massis

ولا تدخلنا في التجارب..................................... ومجربيها
لكن نجنا من الشرير........................................ وتوابعوا
والله معكم..............

Posted by: imad_dahi

http://www.zaidal.com/229/upload_w/f...y_spears_i.jpg

http://www.zaidal.com/229/upload_w/files/22/3.jpg

Posted by: imad_dahi

ليش عم يطلع اللينك مش الصورة
شو ناقص معي ؟؟؟؟؟؟؟؟؟؟؟؟؟؟؟ظظ

Posted by: Desert rose

[align=center]مرحبا مرة ومرتين وثلاثة

تركت عبدلله يسبقك ولووو عمادوووو

على حال مشان مرة تانية ؟؟

ضروري تكبس على الأيقونة اللي بأعلى الصفحة حد خيارات الإدارة وهي على شكل إطار وداخلها صوره
رح يظهر مستطيل صغير يطلب منك إضافة هاللينك اللي بدل ماتضيفوا بالرد لازم تضيفوا داخل هالمستطيل
بس وتضغط على ok
ورح تظهر الصورة عند ماتشاهد المشاركة أو تضيفها
أسمحلي أستعار لينك من مشاركتك وأتركلك التاني للتجربة

<<دخلك من هيدي شاكيراااااا

تكرم عمااااد ....ناطرينك تنجح بتاني مرحلة بعد ماأقدرت ترفع الملف عظيم [/align]

زهرة الصحراء

Posted by: imad_dahi

look

موقع زيدل سوريا حمص .. خدمات تشات و دردشة ... أرشيف المنتدى