الارشيف - مممم معكرونة بالجبنة ؟

Pages: 1

مممم معكرونة بالجبنة ؟
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

المعروف عن العرب أنهم جماعة ذواقة بالأكل أكثر شي (( يعني بيعرفوا طعمة تمهم ))
فمشان هيك العربي وقت يسافر للغرب بيحمل معوا كتير أكلات عربية مشهورة
متل الحلويات العربية ....الكشك ..والكمي ...والنقولات... ومش لازم ننسى أهم شغلة وهي العرق من المشروبات .
ولكن هالشي مابيمنع من تواجود أكلات لذيذة وشهية بالغرب بيستطيبها الزائر خلال سياحتوا فبيحمل طعمتها تحت أسنانوا متل مابيقولوا ... وعلى مايبدو هيدا اللي صاير مع الريس وسام ...يعني حابب يسترجع ذكرياتوا الحلوة ببلجيكا بطبق من المعكرونة بالجبنة من تحت إيدين العزيزة أنجيل ...لكن للأسف المزعج بالموضوع أنو رح ياكل هالطبق وحده من دون أي منافس عاشق للسباكيتي فصحتين سلف أنجيل ألك ولأندرو ولوسام (( على أمل أنو ناكلها كلنا مرة تانية بوسط العاصمة البلجيكية بروكسل برفقة اللي منحبهم )) (( أو بزيدل بعد تجربتك لها الطبق اللذيذ ودعوتنا لعندك ))

معكرونة بالجبن

2 كوب من المعكرونة
2 ملعقتا طعام من البصل المفروم الناعم جداً
1 ملعقة صغيرة من الملح
4/1 ملعقة صغير فلفل أسود
3 أكواب من جبن العكاوي والحلوم والمجدولة (( شرط أن يحلى الجبن بالنقع بالماء ))....وممكن نستغني عن الأنواع الثلاثة بنوع واحد إما القشقوان أو الموزاريلا أو أحد أنواع الجبنة الموجودة بالبيت
2 كوب صلصة بيضاء متوسطة الكثافة
1 ملعقة طعام من الزبدة

الصلصة البيضاء

كوب واحد من الحليب
ملعقتا طعام من الطحين
ملعقتا طعام زبدة
4/1 ملعقة صغيرة من الملح

أما عن تحضير الصلصة البيضاء

نضع الزبدة على نار خفيفة
ومن ثم نضيف الطحين والملح
ونبدأ بإضافة الحليب بالتدريج مع التحريك المستمر لنحصل على صلصة متجانسة مع الملاحظة أنه يجب وضع الصلصة على المعكرونة بعد رفعها مباشرة عن النار والكمية حسب الرغبة

طريقة تحضير المعكرونة :

_ تسلق المعكرونة وتصفى ثم يوضع نصفها في وعاء مدهون بالزبدة
_ يوضع فوقها الجبن المفروم مع البهارات والبصل
_بعد ذلك يوضع النصف الآخر من المعكرونة ويصب فوقها الصلصة البيضاء
_ يوضع أيضاً القليل من الجبن وتوزع الزبدة عليها هنا وهناك وتغطى بورقة ألمنيوم وتخبز في فرن حرارته 350....375 مدة نصف ساعة
_ بعد ذلك يسحب الوعاء من الفرن وينزع غطاء الألمنيوم ثم يعاد ليحمر وجه المعكرونة فتسحب من الفرن وتقدم ساخنة (( واوووو أنتبهوا تحرقوا لسانكم ))

م: ممكن نضيف صلصة البندورة واللحمة المفرومة في الوسط كمان فوق الجبنة وهيك بتصير دسمة ولذيذة أكتر

وألف صحة للجميع

[align=center]

[/align]

زهرة الصحراء

Posted by: talal_alachkar

سناء
لو هالجبنة مثل هالسيدة التي في داخل المعكرونة لأكلتها أكل
قصدي للجبنة ماتفهموني غلط يا جماعة
مع تحيات مغترب نت بلجيكا
طلال سليمان الأشقر
14/1/2005

Posted by: wisam

ام ملحم شكرا لك على الشرح
بس ما اعرف هيي نفسها او اذا غيرها بتمني تضيفها و طلال كمان ممكن يتذكر
المعكرونة اللي تنسلق كما هي و بعدين تنحط بالصحن و ينضاف عليها سوس البندورة و من ثم رشة الجبن

هل هي نفس الاكلة ام تختلف

اكيد اكلتيها ببلجيكا عند ابونا

مية صحة للجميع

Posted by: Desert rose

مرحبا وسام

شوبدي أكتب لأكتب عن أنواع وأصناف السباكيتي والل هي بالعشرات
إنما رح قلك أنا شو بالوقت اللي مابيسمحلي فيه حضر أكلة بدها شغل
يعني لازم لاقي وجبة عالسريع (( لنسكت الجوع )) ...وهيدا طلبك بتصور

بسلق المعكرونة العادية المعروفة ......وبعدها بصفيها من المي
برفع على النار وعاء الطبخ (( الطنجرة )) وبكون ضايفة قطع من الزبدة
وبعدين بضيف المعكرونة وبقلبها بالزبدة
بها الوقت بكون محضرة صلصة لحمة وشراب البندورة وطبعاً معروفة
وبمحل تاني جبنة قشقوان مبروشة
وبعدها منسكب المعكورنة بالصحن وأشخاص بيضيفوا صلصة اللحمة مع قليل من الجبنة فوقها... وأشخاص بيكتفوا بالجبنة بس ....وكل واحد حسب ذوقوا ..

ورح كون صادقة أكترفي أوقات بستعمل الصلصات الجاهزة اللي تباع بالسوبر مارشية وهي لذيذة وطيبة إنما الألذ وسام هي (( الباستا )) بالبازيليك ....يعني بالحبق .....وهالنوع من الصلصة بيجي جاهز ... مابيتحضر بالبيت
وبيضاف وحده على المعكرونة المسلوقة المقلبة بالزبدة أو بزيت الزيتون مع قليل من الجبن المبروش ....ومش عارفة إذا أكلتها بالمطعم الإيطالي(( عند ساندرو الشب الحلوا )) خلال زيارتك لبروكسل .

وعندي أنا والعاقوري حل سهل كتير .....توصل لبيروت ......وتختار أنواع من الصلصات الطيبة ممممممممممممممم الجاهزة
أو تروح بيروت لعندكن ......؟؟

والحل الأسهل الأسهل نروح على شي مطعم إيطالي معروف من مطاعم بيروت كمان ونطلبها وناكلها مع أنجيل وأندروا وهيك مامنتعذب ....(( وبيعلمونا كيف ))

بتمنى كون وفيت بالطلب ....!!!

وصحتين ياريس

زهرة الصحراء

Posted by: wisam

شكرا ام ملحم ما قصرت هيدي هيي

النتائج بعد كام يوم انشاء الله .... اعتقد لازم تزبط لانه الان صعبة نروح على بيروت نجيب صلصات منزبطها بالموجود

شكرا ام ملحم

Posted by: imad_dahi

شكرا عهالموضوع لي بيشهي الواحد كل يوم يقراه ويشبع من الكلمات الدسمي والطيبي

وشو رأيكن بمطعم ايطالي بايطاليا...؟؟؟؟؟؟؟؟
مع كل الاحترام للمطعم الايطالي بالدولة الشقيقة بلجيكا وللمطعم الايطالي في احلى لبنان

مع كل حال وسام ما تفوت الباستا من تحت ايدين انجيل لانو بكل العالم مش رح تلاقي متلها بتفهم ذوقك بالاكل
ويا مــدام يالله تنلاقي مطعم ......
وطلال .... انا عازمك ع روما بما انك قريب ... هيك باستا متل لي بالصورة في منون كتيـــــــــــــــــــــــر
بس عليك تذوق .... ما تفهمني غلط عم احكي ع الباستا !!!!!!!!!!!!

وصحتين

موقع زيدل سوريا حمص .. خدمات تشات و دردشة ... أرشيف المنتدى