الارشيف - سهرة و لا احلى مع اعضاء المنتدى

Pages: 1

سهرة و لا احلى مع اعضاء المنتدى
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

رب صدفة خير من الف ميعاد
ليلة مبارح و من دون اي تنسيق التقيت صدفة باحلى اعضاء منتدى زيدل بغرفة المحادثة الجديدة اللي رح تصير قريبا خاصة بالمنتدى فقط
الحلو بهالغرفة انه كل شخص رح يصير يدخل باسمه المسجل فيه بالمنتدى و بالتالي الأزعاجات رج تكون محدودة نوعا ما , يعني ما بتخلي من كم عضو مزعجين بالأصل هني , و مف رح سمي اسامي , بس كان معنا صبيتيين مزعجات كثير كثير , بس مهضومين !!
يعني لهيك مشان نكسب اللقاء باغلب الأعضاء ونسمع صوتكم انا بدعوكم لتسجيل الدخول بشكل دائم لهالغرفة وقت الفراغ و اكيد ما رح تندموا .
و هالجلسة كانت مكونة من خيي الغالي جورج دعبول اللي للأسف ماكن الصوت شغال من عنده , قال ما عنده مكرفون و ناطر شي حدا حابب يسمع صوته ليهديه مكرفون !؟!؟!؟ شو رح تفرج قريبا خيي جورج ؟؟؟؟ لوني بزيدل كنت اليوم عملتلك زيارة و جبتلك المكرفون و سيديات البرامج و انحلت القصة بس الا ما تفرج.

و كمان الأب الغالي جورج مصيص كان موجود و اتحفنا بآرائه الروحية و سحباته التقنية , و بخفة دمه المعهودة , على امل تجدد هاللقاء الدلئم ابونا و ما تخاف كلنا جاهزين للدعم قدر المستطاع

و كااااااان معنا صبية مهضومة كثير كثير بس حرمتنا من صوتها كمان لأسباب مجهولة بس المهم انه التقينا فيها بعد انقطاع طويل عن المنتدى , و اكييد ما في اهضم و اطيب من فتاة الجزيرة ليزااااا .
يعني ليزا مجبورة تتحميليني و قد ما دعيتي ما رح تلاقي مهرب الا ما تجمعنا الأيام بيوم.

و ابن العم الغالي شادي كمان كان مزين اللقاء مع صوت متقطع بس مقبول و هالشي بيعني انه الغرفة جيدة للحديث مع المقيمين بسورية , في حال توفر عندهم الأتصال المقبول , ابن العم هي شغلة المجاملة ما بتنفع كثير خليك مع الحق و ما تخلي الصبايا يضموك لحلفهم !!!!!!!!

و ما رح انسى السوبر ستار المجهول اللي ضافت للجلسة دم خفيف , صحيح ما عرفتنا عن حالها بس بيكفي انها من زيدل .

و اخيرا ما رح احكي كثير عن حالي , بس كوني الوحيد الللي ما واجه مشاكل تقنية كنت مستلم 3/4 الحديث و يمكن ضيقت خلاق الشباب , يعني ماخذ راحتى عم احكي و الطش و هني مجبورين يسمعوا ( هي ضريبة عدم وجود المكرفون )
بس اللي متأكد منه انه كلهم بيتمنوا تنعاد هاللمة و خصوصي بوجودي ؟؟؟؟؟؟
انشاء الله بتكون بداية لجلسات جميلة بين جميع الأعضاء
شكرا لكل من ساهم على هالغرفة و انشاء الله لمزيد من اللفة و المحبة بين الأعضاء.
انه عرفتوا بعدين مين هني المزعجييين ؟؟؟؟؟؟؟؟

Posted by: talal_alachkar

يعني ياحسام مارحت غير علي انا
بعد ماكنت أنا الوحيد المتواجد على طول في هيك سهرات
بس بيقول المثل كل ديك على مزبلتو صياح
أيامك حسام
مع تحيات مغترب من بلجيكا
14/1/2005

Posted by: liza

شكراً لكل واحد حط أساس للغرفة الخاصة بأعضاء المنتدى وهاي فكرة كتير ممتازة للتقرب أكتر وأكتر من بعض مع الاستفادة من بعض الأعضاء المهمين أمثال الأب جورج والأخرين وذلك حتى إنسق مع بعض أيام خاصة للصلوات والاستفسارعن بعض الأسئلة الدينية . السهرة ألي حكى عنها الجريء حساموو كانت ناقصة ضـو وهو نور وجوه كثير من الأعضاء بس انشالله منلتقي وبتكونوا مزينين الغرفة بنوركم وعطوركم وألطف همساتكم ألي بتحيي نفس تاني فينا (طبعاً عا سلامة يلي كانوا موجودين معنا).
طلال يا عزيزي لا كتير تتأسف لأني راح خليك تحس حالك كأنو كنت معنا سهران . ليك يا خيي كيف بدينا وكيف طلعنا من السهرة. البداية كنا الأب جورج والأخ جورج دعبول وعزيزنا شادي وأنا عما اناقش موضوع ديني ويا محلانا فجأة فات حسام استلم المايك وبلش يحكي هيك حتى فتل راسنا وكل واحد بلش يكتب خاص للتاني فا مل صديقنا حسام وبلش يعاتبنا ليش ما عم تحكوا بالصوت أو تشاركوا نحن طبعاً كنا منتهيين كل واحد بس بدو يعرف وين الباب ليهرب من ضجيج حسام وبعدين علق بسوبر ستار عاالله تطلع بنت يبلش يفرجيها عضلاتو فا حبيت أنا أرفع مقامو شوي قداما في أمل إنو نخلص منو بس يا خسارة كان مستلم كل الجهات وآخر شي طلعنا من الغرفة متل الفارة يلي بحطوها جوات طبلة وعم يطبلو فيها وبعدين بطالعوها هيك طلعنا من الغرفة .
بقى من حظك إزا فتت عالغرفة وما كان حسام هنيك .
طبعاً في بعض الإجابيات يا حسام ومنها إنو نحن مافينا نسهر من دونك بالغرفة بضل إنت العضو النشط بينا (بالحكي)

تحياتي للذين يحاولون تحطيم كل جدران البعد بيننا

لكم محبتي.......[blink]الخابورية[/blink]

Posted by: shadi

مرحبا للجميع ....... طبعاً أول شي انا بحب اشكر الأخت العزيزة سناء جلحوم على هاللفتة الحلوة بخلق هيك أوضة بتجمع فيها المحبين وخاصة أعضاء منتدى زيدل الأكارم وعن طريقها فينا نتواصل أكثر يعني عن طريق المواضيع والتشات كان التواصل حلو وهلق صار أحلى ... وصرنا بنتعرف على أعضاء جدد مثل الصديقة سوبر ستار الي كانت معنا بالجمعة .....؟
شكراً للأحبة الي اجتمعت معهن ليزا وأبونا جورج مصيص والأخ جورج دعبول و سوبر ستار والمايسترو تبع القعدة ابن العم حسام يعني ما خلى حدا وما سايرو ... وطبعاً التقيت أثناء القعدة بالعم سليمان بتشات المنتدى وعزمتو ينضم معنا بس قلي إنو ما عم تزبط معو الغرفة وما عرفت شو العطل .... على أمل ان أجتمع بباقي الأحبة عن قريب انشالله...

موقع زيدل سوريا حمص .. خدمات تشات و دردشة ... أرشيف المنتدى