الارشيف - شو قصة الهوت ميل ؟؟؟ تطور ام تراجع

Pages: 1

شو قصة الهوت ميل ؟؟؟ تطور ام تراجع
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

يا جماعة سمعنا كلنا سمع انه بريد الهوت ميل صار يمكن 250 ميجا
بس اليوم تفاجئت بوصول رسالة من الشركة بتقلي انه بريدي قرب يتعبى و لازم فرغ منه , و كل للي فيه ما بيطلعوا 2 ميجا يعني السعة بعدها ما تغيرت
فهل يا ترى لازم الواحد يقدم شي طلب ليفعل الزيادة او شو القصة ؟؟؟؟
ناحية ثانية صدمتني بالهوت ميل اليوم و زعلتني منه:
حبيت اعمل بريد لصديق الي عم يستخدم المكتوب قلتله شو بدك بهالصرعة و وجعت الرأس تعا لأعملك واحد عالهوت ميل و بتصير تستخدم الأوت لوك اكسبريس احلى و اريح
و فعلا قمت بعمل الحساب بنجاح , ضبطتت اعدادت الأوت لوك اكسبريس ,
و وقت طلبت منه يجيب المجلدات من السيرفر , كانت تطلع رسالة خطأ او فشل.
اتطلعت عتفاصيل الخطأ و اذ بيقول انه الحسابات الجديدة ما بتدعم الأستخدام عبر الأوت لوك و روح زور موقع upgrade للهوت ميل
رحت عالموقع و اذا عارضين تطوير الحساب مقابل 19.5 $
ومن الخاصيات اللي بتحصل عليها بحال التطوير هو استخدام الحساب عبرالأوت لوك.

كانت خيبة امل كبيرة و انا طول الوقت متحمس للهوت ميل بسبب مجانية الأستخدام عبر الأوت لوك
بس اللي بيهمني هلق شو وضعنا نحنا المستخدمين القدامى .؟؟؟؟؟
هل رح يتركونا نستخدم الحساب ببلاش؟؟؟ او رح يخلوه لفترة محددة ثم يفصلوا هالتقنية عنا ؟؟؟؟
في حال رح يسامحونا بهالشي و هذا امر بشك فيه , بتصير حساباتنا حقها مصاري يا جماعة فديروا بالكم عليها
و فيكم تتاجروا فيها ربما يوما ما !!!!!!!

يمكن كثير منكم ما بيهتم بهالموضوع بس اللي بيتعود عالأوت لوك اكسبريس ما بيعود يتحمل فكرة التصفح عبر المستعرض العادي.

Posted by: bluefox

هاي شباب هذة هي مشاركتي الاولى في المنتدى و اتمنى ان تقبلوني عضوا جديد معكم

ملاحظة هامة : من باب الاحتياط ازا بدكن جربوا الطريقة على ايميل غير اساسي بس الطريقة مجربة و
مضمونة 100%

ازا بدك تزيد ايميلك الى 250 ميكا اتبع الطريقة التالية:

من خلال تغيير الدولة والمدينة والكود

لكن ما استفاد شيء ولغاية الان بينتظر انه يزيد ايميله وما صار شي
يروح أول شي على

options

personal

my profile

ويغير الآتي

country / region : united states

state : new york

zep code : 10001

أدخل على هذه الوصلة

http://memberservices.passport.net/memberservice.srf

اعمل

sign In

اذا ما كنت داخل على ايميلك

اختار

close my .Net passport account

لاتخافوا ... مارح يضيع ايميلكم

اضغط على

contact hotmail

ثم

close my account

بعد ما تخلص و يكتب لك

confirmation to close account

بعدين

back

بعد مارجعت للصفحة السابقة

cancel

و

singn in

من جديد

وبعدين ....رح يطلب منك تفعل الايميل من جديد

activate my acount

امشي مع التفعيل .....عادي جداً ..جداً

طبعا اختار الايميل المجاني

ملاحظة : لا تختار اي خيار من الخيارات المتاحة ،لانه رح يوصلك رسائل كثيرة غير مرغوب فيها مستقبلا

خلليك ماشي طبيعي

واعمل

continue

مبرووووووووك

انتهينا

الآن ايميلك حجمه 25

بعد فترة رح يصير اتوماتيكيا 250 ميكا

تحياتي الى الجميع

ملاحظة هامة: اللي مش عامل تغيير لبياناته من الأول لازم يغيرها قبل ما يبدأ

Posted by: star fouad

bluefox

اهلا بيك احب ان ارحب بك اجمل ترحيب عضو جديد في هذا المنتدى الرائع وارحب ايضا بكل مشاركاتك
اتمنى ان تقضي اوقاتا طيبه معنا في منتدانا الرائع
مع تحياتي وحبي
star fouad

Posted by: hosam abdulaziz

الأخ bluefox مرحبا بك في المنتدى
سؤالي لك ان كنت على اطلاع
هل بهذه العملية مع الربح الكبير في سعة الهوت ميل , ستبقى خاصية استعمال الهوت ميل بواسطة برنامج الأوت لوك اكسبريس متاحة ؟؟
ام اننا سنجرد من هذه الخاصية كما هو حال المنتسبين حديثا الى الهوت ميل.؟؟؟؟
فانا شخصيا افضل ال 2 ميجا مع استعمال الأوت لوك اكسبريس
عن ال 250 ميجا مقابل التصفح من الموقع مباشرة.

Posted by: imad_dahi

انا بحب اكد انو العملية لي قام فيها الاخ bluefox هي ناجحة وانا جربتها
يعني مليحة لناس متلي
وبالمناسبة برحب فيه بالمنتدى وبشكروا ع كل معلومات بيقدمها

ويا حسام .. انو علاقتك هالقوية مع الاوت لوك من وين يعني

انا جربتو بس ما عرفت استعملو او بالاحرى ما حبيتو

Posted by: Desert rose

bluefox أهلا فيك بمشاركتك التقنية الأولى واللي بتهم ناس كتير .
وبالفعل متل ماقال عماد الموضوع ناجح ولكن بيبقى عبارةعن قرصنة من بعض المشتركين العرب ولكن وين المشكلة

برافوا عالشاطر .

التعليق موجه لحسام وهوي لفت إنتباهك عزيزي إلى أنو من قبل تحويل السعة لــــــ250MB ألتغى شي أسموا أوت لووك تقدر تسحب منوا إيميلات الهوت الميل
شو حسام الهيئة قصتك قديمة شوي فراجع معلوماتك عن جديد

وكبر ماتخاف .....؟

اهلا مرة تانية ب______bluefox

زهرة الصحراء

Posted by: hosam abdulaziz

عمادو الأوت لوك لا قبله و لا بعده
يعني بغض النظر عن التقنية العالية بهالبرنامج و اللي بتخليك تعمل رسائل رائعة , بس ابسط فائددة انه انا بعدن يمحتفظ بكل رسائلي من سنة ال 2001 لهلق , هل فيك تعمل هالشي عالهوت ميل او الياهو ؟؟؟
و ناهيك عن امكانية كتابة الرسائل بدون اتصال لمن بيهكل هم مصروف النت.

سناء يمكن بعدك ما حرمتي تشارعيني بالبرمجيات و التقنيات ,
انا لسعة كتابة هالرد عم بقدر ارسل و استقبل رسائلي اللي عالهوت ميل بواسطة الأوت لوك و السعة عندي بعدها 2 ميجا بس يا عزيزتي اذا متأملة اني جرب و ابعثلك ميل لتنبسطي فيه فهذا بعيد عن سنانك

بس بيجوز انه التقنية بعدها متاحة مجانا لزبايت الهوت ميل ال VIP

على كل يبدو ما حدا عنده جواب فعلي عتساؤلي بس يالله ماشي حالي و بعده الوضع تمام عندي و ما بدي هال 250 ميجا.

Posted by: johnnydaoud

يعني يا أخ حسام الظاهر ما حدا عم يفهمك لأنو ما حدا من يلي ردوا عليك عندن فكرة بهالبرنامج وانا واحد منن ما بعرف شي فيه وبصراحة حمستنا نتعلموا اذا كان هلقد مفيد

Posted by: Kinan

مرحبا شباب الحقيقة اني ما عم تابع المنتدى و اخبارو بس هالق عالغربة الواحد بيصير يهتم و خصوصا هيك مواضيع

الحقيقة انا ما بحبوا للهتميل و مع انو عندي حساب عليه لانو سعتو صغيرة و بس تاخرت فترة وما فت عليه بيطير على كل حال انا هلق عم بشتغل على gmail و هو تابع ل google الحقيقة بريد حلو و سعته خيالية 2GB و عم تزداد و كمان بيدعم انو تسحب الايميلات على اوت لوك او يحولهم على ايميل ثاني غير انو في محرك بحث لرسائلك
بس المشكلة انو ما فتحو للكل بس فيك تسجل فيه اذا اجتك دعوة من حدا مسجل فيه طبعا اللي بيحب يجربو يراسلني مشان ابعثلو دعوة على :
kinan85@gmail.com

____________________________________________
كنان عبد العزيز
الامارات العربية المتحدة - الفجيرة

Posted by: hosam abdulaziz

طيب يا شباب مع انه برنامج الأوت لوك هو اشهر من نار على علم بس رح حالو فسرلكم شو اهم ايجابياته:
بس اول شي رح قلكم ليه هالبرنامج منه منتشر بكثرة بيناتكم :
اول شي هالبنرنامج بيتطلب يكون عندك كمبيوترك الشخصي بالبيت و لا يصلح اذا كنت بتتعامل بقصة قهاوي الأنترنت.
ثاني شي هالبرنامج بيتطلب عنوانك البريدي على سيرفر من نوع POP3 و هذا غالبا منه متوفر بالعناوين المجانية مثل الياهو والهوت ميل لاحقا.
بس مثلا عناوين الجمعية السورية للمعلوماتية كلها بتشتغل بالأوت لوك , و الياهو و الهوت ميل لو دفعتلهم حوالي 10$ سنويا بيعطوك عنوان بيدعن هالخاصية.
و بالتالي معضمنا بيلحق البلاش و ما بيهتم بهيك امر.
ما هي ايجابيات الأوت لوك اكسبريس:
يعني حقيقة يا شباب اللي بيتعود عهالبرنامج ما بيعود اله نفس يستعمل غيره, و هو برنامج موجود عأي كمبيوتر لني بيجي مع ويندوز بكل اصداراته.
1- سعة استيعاب الرسائل لديك مفتوحة و السبب ان الرسائل ستحفظ على ذاكرة جهازك و بالتالي سعة غير محدودة.
2 يمكنك الأحتفاظ بالرسائل لمدة غير محددة و بالتالي يمكنك ارشفتها بطريقة رائعة , كمثال انا احتفظ برسائلي من عام 2002 حتى الآن , و حتى لو فرمتت الذاكرة فبكل بساطة تستطيع نسخ الأرشيف و من ثم اعادته دون المساس بأي تنسيق او رسالة.
3 هناك دفتر العتاوين الذي تنظم فيه عناوينك بطريقة جميلة و ايضا هذا الدفتر يمكنك الأحتفاظ به حتى لو فرمتت الجهاز.
4 قواعد الرسائل:
حيث يمكنك اعطاء اوامر للبرنامج ليقوم بها اليا عند استقبال رسائلك:
مثلا يمكنك ضبطه عن استلام رسالة من الشخص الفلاني , قم بنقلها فورا الى مجلد معيا تكون قد خصصته لهذا الشخص
او تقول له اجعلها ملونة باللون الأحمر للتميز عن البقية
او تقول له احذفها فورا
5 الفائدة الأهم للذين يعتمدون التصال بالأنترنت بتسعيرة الساعة .
فيمكنهم جلب كل الرسائل مرة واحدة على الجهاز ثم يطفئون الأتصال و يقرؤونها على مهل
ثم يكتبون جميع الردود و بعدها يقومون بارسالها دفعة واحدة خلال دقيقة لا اكثر.
6 طبعا الأوت لوك متقدم جدا في قصة التاثيرات اللتي نقوم بها على الرسالة فهو يدعم لغة ال Html و بالتالي يمكنكم اضافة ما تريدون من الوان و خطوط و حتى جداول و ملفات و مرفقات و فيه خاصية تصحيح الأخطاء الملائية لجميع اللغات اللتي تريدون.
صحيح ان معظم المواقع بدأت تدعم الكثير من خاصيات ال Html لكن ما تزال الفجوة كبيرة بين الأوت لوك و بينها.

انا لاحقا رح اشرح كيف بتغدر نحتفظ بجميع الرسائل و توزيعاتها عند القيام بالفورمات و بتصور هالشي بيهم كل مستخدمي هالبرنامج و بيريحهم من عمليه حفظ الرسائل اليدوية.

Posted by: Kinan

شكرا سناء على هالمبادرة اللطيفة الحقيقة ان حاولن رد عليك من يومين بس المشاركة ما كانت تنضاف
على كل حال برد بشكرك على هالترحيب الحار و انا بحب عطول كون عضو فعال بهالمنتدى بس نشاء الله من هون و طالع رح تشوفوني بمشاركات كثيرة
و شكرا للجميع

Posted by: Kinan

الحمد لله و اخيرا اضيفت المشاركة بعد المحاولة من يوم الربعاء الماضى

موقع زيدل سوريا حمص .. خدمات تشات و دردشة ... أرشيف المنتدى