الارشيف - مركز رفع ملفات منتدى زيدل

Pages: 1

مركز رفع ملفات منتدى زيدل
(انقر هنا ان احببت مشاهدة الموضوع الاصلي بالالوان و الصور )

Posted by: hosam abdulaziz

من منطلق حرص ادراة الموقع على تقديم كافة التسهيلات للأعضاء لأغناء مشاركتهم بالحس و الحركة و الأفادة للجميع.
اعرفكم اليوم بجديد المنتدى و هو مركز رفع الملفات.
* ما هو مركز رفع الملفات:
هو عبارة عن برنامج يستطيع من خلاله اعضاء المنتدى حصرا من تحميل صور او املفات او اغاني الى الموقع ,و تصنف ضمن مكتبة خاصة بكل عضو , يتطيع من خلالها دعم مشاركاته و افادة الاخرين منها.
* ماذ تفرق عم عملية ارفاق ملف المتوفرة من ذي قبل:
اولا : عدد الملفات المتاحة للتحميل غير محدد .
ثانيا: يفيد في عمل رفع الصور الخاصة او الشخصية من جهازك الى الويب , و الحصول عليها عن طريق لينك , و هذا يدعم اضافة مشاركة متعددة الصور كما سترونها في مشاركتي هذه.
ثالثا: هنا يسمح بأضافة ملفات من نوع real media أي rm فيستطيع أي عضو دعمنا بالأغاني الجميلة و القديمة.
* ما ه يالملفات المسموح بتنزيلها و ما هي حجمها:
مبدئيا الملفات المسموحة هي الصور بانواعها gif .jpg .jpeg .png .bmp و الملفات المضغوطة zip و اغاني الريل ميديا rm
الحجم يصل الى 5 ميجا بايت.

كيف يعمل البرنامج:
1 يمكنك الدخول الى المركز عن طريق الرابط التالي http://www.zaidal.com/229/upload_h/upload.php/
او من خلال صفحة اضافة المشاركة او التعقيب كما هو مبين بالصورة:

2 بعد الدخول الى البرنامج نجد مكانا لتسجيل اسم المستخدم و كلمة المرور كما في المنتدى تماما , ثم نختار الملف المطلوب تحميله و من ثم نضغط تحميل .

3 ننتظر قليلا من الوقت حتى ينتهي تحميل الملف , و هذا يعود الى حجم الملف المحمّل.
4 اذا تمت عملية التحميل بنجاح ينتقل بك المتصفح الى صفحة اخرى و يخبرك ان العملية تمت بنجاح.
و اذا كانت صورة يقوم بعرضها لك.

5 لأتاحة هذا الملف للغير فقط انسخ الرابط الذي يظهر كما في الشكل السابق و ارسله لصديقك او استعمله في المنتدى
و لعرض الصورة ضمن المشاركة يمكنك وضع هذا اللينك في القسم الخاص لضافة صورة .
6 اذا اردت استعراض كافة الصور الموجودة في مكتبتك ارجع للصفحة الأساسية و سجل دخولك بنفس الطريقة لكن من القسم السفلي للصفحة (عرض الملفات) فينتقل بك المتصفح الى مكتبتك اللتي تحوي جميع الملفات.

اتمنى ان يكون هذا العمل مفيدا و اتمنى من جميع المهتمين تجريب البرنامج و اعطائنا ملاحظاتهم و هل من مشاكل تواجههم.

Posted by: Desert rose

عزيزي حسام

رح أعتبر رفع الملفات من منتدى زيدل هدية قيمة لكل اللي كانوا عم يعانوا متلي بتحميل الملفات ...واليوم وبعد ماكنت ألجأ لكتير مواقع بتعتني برفع الملفات ..وكان دائماً نصيبي الفشل ...قمت بتجريب رفع بعض الملفات من محفوظاتي للصور الخاصة من موقع زيدل وكانت النتيجة رائعة وسهلة ووفرت علي جهد ووقت أكيد .

وطبعاً التجربة الشخصية من قبل كل عضو رح تكون أكبر برهان .

واليوم بما أنو نحنا بفترة عيد ...رح ضيف كم صورة ألتقطتهم من محمصة الرفاعي ببيروت .

هيدي حلوة ؟؟

لأهيدي أحلى ؟؟

يمكن هيدي أحلى ؟؟

لالاعالأكيد هيدي الأحلى ؟؟؟

كل عام وأنتم بخير

مرة تانية شكرا لجهودك الدايمة حسام بالرغم من وقتك الضيق

______ 2004 ______ 12 ______ 20 _______ زهرة الصحراء

Posted by: hosam abdulaziz

اول شي لا شكر على واجب سناء هذا اقل شي فينا نقدمه للمهتمين بالمنتدى و اولهم انت
يعني الواحد من وراء امثالك بيحس انه عمل شي يفيد البشرية على امل انه الجميع يكونه فهمو الفكرة و يستفيدوا منها

هلق انا نسيت احكي شوي عن سلبيات هالبرنامج و هلق رح اذكرها
مشكلته انه كون محمل على سيرفر اليونكس و بالتالي ما بيدعم العربية بالمرة بلواحقه , يعني اذا حملت ملف باسم عربي ما بيفهمه و اذا العضو اسمه مكتوب بالعربي ما بيفهمه.
شو هو الحل:
1 انه اذا بدنا نحمل اي ملف لازم يكون بالأحرف الأجنبية
2 بالنسبة للأعضاء المكتوب اسمهم بالعربي مثل ( ابو الغيس , فايز زكور , صهيب العناقرة , ما بعرف ان نسيت حدا )
عملنالهم صفحة خاصة بالدخول يستطيع كل الأعضاء ايضا استخدامها و تحتاج لمعرفة رقم العضوية بدل من اسم العضو
مع نفس الباسورد
مثلا اذا اردت انا الدخول اكتب في مكان رقم العضوية رقمي الخاص و هو 7 في حالتي ثم نفس الباسورد و انتهى الأمر
لمعرفة العضو لرقمه كل ما عليه هو وضع الماوس على اسمه في صفحة المتواجدون حاليا او صفحة الأعضاء فيرى الرقم في اسفل شاشة الأنترنت اكسبلورر كما في الشكل التالي

للدخول اللى صفحة التحميل بواسطة اللينك يمكنكم عبر الرابط التالي
http://www.zaidal.com/229/upload_w/upload.php
او من صفحة كتابة موضوع جديد

اتمنى الفائدة للجميع و شكراااااااااا

Posted by: fr george massis

ياخال كل عام وأنت بخير بالأول
الحقيقة إنك أنت وبرامجك كلكم إيجابيات بس السلبيات فينا
يعني شقد بشوف حالي زغير قد النتوفة بهيك مواضيع على كل الله يعطيك ألف عافية وحاجة سناء عم تتحفنا بصور جميلة مثل حكايتها فرد شكل
من جديد كل عام وأنتم بخير

Posted by: hosam abdulaziz

مع ان خيبة الأمل كبيرة في تفاعل الأعضاء مع الخدمات اللتي نحاول دائما توفيرها لهم , لكن لا بد من توضيح بعض النقاط لبعض المستفيدين من خدمة رفع الملفات.
و هذه بعض النصائح التي توصلت لها من خلال التجربة:
1 النصيحة الهم هي ان يحمل الأعضاء مشاركاتهم عبر رقم العضوية و ليس عبر اسم المستخدم و السبب في ذلك ان معظم اسماء الأعضاء تحتوي فراغات فيها و هذا ما يخلق مشاكل مع بعض البرامج التي سأشرحها لاحقا.
و هذه ارقام الأعضاء الذين جربوا هذه التقنية
449 Abu Julian
375 sofarsogood
334 Super Star
274 fr george massis
56 Desert rose
52 victorwardeh
22 imad_dahi
7 hosam abdulaziz
5 wisam

2 الملف اللي بنختار تحميله يجب ان يكون بالأحرف الأجنبية حصرا و غير ذلك فتحميله هو مضيعة للوقت.
3 يجب مراعاة عدم وجود فراغات باسم الملف وذلك لتجنب المشاكل مع بعض البرامج مثال:
ملف اسمه على الجهاز zaidal church هذه الصيغة غير محببة و يجب استبدالها بالتالي عبر اعادة تسمية الملف الى zaidalchurch او zaidal_church
4 هلق شو مشكلة الفراغات (اعتبروها معلومة)
نحن لو حملنا صورة مثلا ما في مشكلة كون الأنترنت اكسبلورر بيقدر يقرا هيك اسماء للملفات و بيشفرها بطريقة جديدة تناسبه فمثلا الملف التالي بيحتوي على فراغين باسم العضو واسم الملف
http://www.zaidal.com/229/upload_h/files/hosam abdulaziz/elhayat helwa.ram
بس لو نسخنا الرابط السابق و حطيناه بالأنترنت اكسبلورر رح تلاحظو انه صار بهالشكل
http://www.zaidal.com/229/upload_h/f...at%20helwa.ram
أي تم استبدال الفراغ ب 20%
بس للاسف هالشي بيعمل مشاكل مع برنامج الريل بلاير و بالتالي ما فيه يقرا الملف مع وجود الفراغات
لهيك بعدوا عن المشاكل و غنولها و حملوا عبر رقم العضو

طبعا sofarsogoodو wisam و victorwardeh و imad_dahi ما عندكم مشكلة كون اسمكم ليس فيه فراغات لهيك فيكم تستمروا بالتحميل عبر اسمكم .
ارجو للجميع الفائدة

Posted by: a_aroush

أنا نزلت صور بالملفات الخاصة بس ما عم اقدر انسخو هون , عم يطلع اللينك تبعو مو الصورة .... شو القصة شو عم سوي خطأ

Posted by: a_aroush

من ايمت و انا عم قول بدي اتعلم كيف عم ينزلو اكثر من صورة

Posted by: hosam abdulaziz

يعني انا هلق مني عاطي بسطي لحدا انه عبد الله و عماد و عبودي معهم انضموا لقائمة المتعاملين برفع الملفات

عمادو نحن بيهمنا انكم تتعاملوا مع التقنية اكثر من انه نقدملكم حلول سهلة لأنه بالنهاية كل التقنيات بتتعلق ببعض و ممكن هالمر هيدا يفيدك بكثير اشيا
بس لقلك شغلة انا كنت واضح بشرحي انه بالأمكان تحميل الملفات عبر الأسم و كمان عبر رقم العضو بس انا فضلت الثانية لقلة مشاكلها ان كان بموضوع الأسماء العربية او موضوع الفراغات بالأسم مثل اسمك :
لهيك اذا بتلاحظ وقت تكتب تعقيب و تحت مكان ارفاق الملف بتلاقي رابطين
الأول فيك تستعمل اسم العضو لتحمل : http://www.zaidal.com/229/upload_h/upload.php
و الثاني بتستفيد فيه بالتحميل عبر رقم عضويتك و شرحت كيف كل واحد بيعرف رقمه
http://www.zaidal.com/229/upload_w/upload.php
و للي ما بيعرف شو اسمه او متلبك فيه رح ارفق ملف في ارقام كل الأعضاء اللي الهم مشاركات من مدة قريبة:
بعد اذنك عماد رح اشفط هالصورة منك

عبد الله
انا مبسوط كثير انك حققت شي كان صعبان عليك و خصوصي انك مصدر لا يستهان به للصور الحلوة و اللي بيتصفح الجاوري بيعرف هالشي
بس و لو برات الموضوع انا انبهرت بجمال طائرة ال ف 15 و كنت دائما اذهل وقت شوف طائرة عم تقلع من الثبات و عأساس هي التقنية من صنع البريطانيين فاذا عندك اي معلومة اضافية عن الف 15 ما تبخل عليي فيها

نحن جاهزين للخدمة دائما

Posted by: imad_dahi

اووووووف و ربك انو جربت بهي الصورة ما جربت بشي وحدي تانية والله كان بهدلنا حسام بيك

بس منيحة انا بحط الصور وحسام بيعرضلي اياها
طيب سؤال تاني

بالنسبة لملفات الاغاني
ليش كل مرة بيقلي انو نوع الملف غير مسموح فيه مع انو عم استعمل REALONE او MEDIAPLAYER

شو فيك تخبرني
فينا نحمل اغاني ولا بلاها هالشغلي
باي

Posted by: a_aroush

أهلا حسام لعيونك ... اذا بتحب ابعثلك صور بالايميل ممكن اذا حبيت
أما معلومات عن ال f15 eagle رح نزلك بحث كامل عنها تكرم بس رح ترجملك اياه لهيك بدو شوية وقت , اما معلومة عالسريع ال f15 ما بتقلع من مكانها و الصورة اللي شايفهي اللي عم يعمله الطيار اقلاع عمودي مغادرة الطائرة المدرج , و هذه الحركة رأيتها شخصيّاً في أحد عروض الطيران .
أما الصورة هي من المفضلات

Posted by: hosam abdulaziz

عبدالله شكرا للتعاون الحقيقة انت بينشد الظهر فيك و يا ريتتتتتتتت يكون كل مستخدمين الأنترنت بزيدل مثلك.
بالنسبة لل f15 منيح انك وضحتلي هالشي لأنه مثل ما قلتلك انا بعرف انه البريطانيين هم اصحاب هالتقنية و بتعتمد على عملية قلب المحركات اذا مني غلطان , اول شي بيكون المحرك عمودي و بس ترتفع الطائرة لمستوى معين بيبلش الدفع من الخلف .
بس شو بدك بهالحكي عالم بيجنن من التكنولوجيا , اي انا اقلاع طائرة السفر راج يطير عقلي من قد ما استمتعت فيه اعجبت بقدرات البشر الخارقة بقا كيف لو اخذنا شوط بشي f15 او 16 او الشبح او هي راجمة القنابل اللي بيعجز اي صاروخ للوصول لمستوى الأرتفاع اللي بتصله .
شكرا مرة اخرى و بشكر عماد على اللينك اللي بعثلي اياه بهالخصوص بس عبد الله ناطرين منك حلقة بحث كمان
http://inventors.about.com/library/i...F_15_Eagle.htm

Posted by: sofarsogood

nature beauty (20).jpg

اشاء الله يمشي الحال

nature beauty (6).jpg

Posted by: hosam abdulaziz

عزيزي sofar
انت مشتغل صح بتحميل الصور و نازلات عالموقع
بس الشي اللي منك عرفانه انك تاخذ اللينك اللي عططاك ياه البرنامج و هو بحالت انت هذول :
http://www.zaidal.com/229/upload_h/f...e_beauty20.jpg
[line]
http://www.zaidal.com/229/upload_h/f...re_beauty6.jpg
[line]
بس الشي اللي كنت لازم تعمله هو وضع هاللينك بين الوسمين التاليين:
[ img] هون بنحط اللينك [/img ]
بس انت ما في داعي تعذب حالك كل ما عليك تعمله تضغط عالأيقونة من فوق اللي عشكل صورة
يعني الصف الثاني , سادس وحدة لو عديت من اليمين
بعدين بتلصق اللينك السابق فيها و بتحط موافق و هي بتقوم بالمهمة و بالتالي الصورة بتصير هيك
[img ]http://www.zaidal.com/229/upload_h/files/sofarsogood/nature beauty6.jpg[ /img]
بس ابقا انتبه لتسمية الصور و تكون بدووووووووون فراغاااااااات

اما حالة الموسيقا بتقوم بنفس الشي بس بتكبس ثاني وحدة من عاليمين بالصف الثاني
[rams]http://www.zaidal.com/229/upload_h/files/sofarsogood/tony_hanna.rm[/rams]

[line]

Posted by: imad_dahi

تجارب تحميل نص غنية
بعد المحاولات ما مشي الحال
باي

Posted by: hosam abdulaziz

بداية بعتذر من عبودي و عبد الله و كل من حاول يرفع ملفات عبر البرنامج المخصص لهالشي لأنه فعلا كان في خطأ فني بسيط نتج عن تعديل بمسار الملف الكلي للموقع و اثر ععمل الملفات
هلق تصلح الوضع و صار بامكانكم تعاودوا النشاط عن جديد و تحميل الملفات عبر المركز
و شكرا لأهتمامكم يا شباب
و اي مشكلة بتواجهكم بكل الموقع بنكون من الشاكرين لو بتكتبوا عنها و ما في مشكلة حتى ان كان الطرح عبر صفحات المنتدى

Posted by: a_aroush

شكراً حسام على اصلاح المشكلة

هذا ما قصدته عندما كتبت لك عن عدم قدرتي على رفع الصور , لأني احتجت البرنامج عندما أردت انزال خبر في قسم اخبار المغتربين لكنه لم يعمل .

Posted by: Nada1981

مرحبا جميعا

حسام ياريت لو حضرتك ترجع تشرحلنا جميعا كيف بنقدر نحمل صورة او اغنية من الجهاز للمنتدى حتى نقدر بعدين نستخدمها بمشاركاتنا. انا عندي مستضيف الصور ماعم يشتغل, حاولت ارفع صور من عندي بس مامشي الحال ابدا.

او اذا عندك اي طريقة ثانية غير هي كمان بتكون مشكور.

شكرا من هلا

تحياتي

ندى

Posted by: hosam abdulaziz

ما بعرف ندى مستضيف الصور هو تقنية بتسمح للعضو تحميل صور خاصة فيه و الرابط الها موجود بالقسم العلى لكل صفحة من صفحات المنتدى
بس في قيود عتحميل الصور بتكون مكتوبة بجانب صفحة التحميل.
و انت اللي تبين معك انه الخطأ شخصي يمكن و مثل ما عرفت انه مشي الحال معك اخيرا.
هلق ممكن ننسق لاحقا لنعطي صلاحية لرفع الأغاني حتى يتسنى للأعضاء رفع اغاني كبيرة الحجم بدلا من وضعها كمرفقات .
اذا واجهم مشكلة لاحقا بعمل البرمجية يا ريت تخبريني .

موقع زيدل سوريا حمص .. خدمات تشات و دردشة ... أرشيف المنتدى