الارشيف - مبروك>>>>>> للبنانييييييين ؟

Pages: 1

مبروك>>>>>> للبنانييييييين ؟
(انقر هنا ان احببت مشاهدة الموضوع الاصلي بالالوان و الصور )

Posted by: Desert rose

خبر مفرح قد لايعني شيئاً لمن هم خارج لبنان إنما نقل الأخبار المفرحة حتى لو كانت لاتخصنا هو فعل جميل

حتى البارحة كان المواطنون اللبنانيون يتصلون بشبكة الإنترنيت عن طريقيين :

الأولى _ عن طريق الهاتف بواسطة عدة شركات ....كسيبريا ...أو ..سودوتيل... أو ....اينكونيت... الخ .... من الشركات النظامية وعن طريق وزارة الإتصالات وباسعار أصبحت اليوم مثالية جداً بعد التخفيض الأخير وطبعاً مع حساب التوقيت وسرعة الإتصال وكل له سعره الخاص .

ثانياً _ عن طريق الكابل بواسطة شركات خاصة ولمدة 24 /24 مقابل مبلغ يحدد حسب سرعة الإتصال ويبداً من 45 دولار حتى 125 دولار شهرياً .....!!!

اليوم ونظراً للتطور التكنولوجي المتعلق بعالم الكومبيوتر والإنترنيت ...أوجدت أول شركة في لبنان تؤمن وعبر وزراة الإتصالات خدمة أتصال بالأنترنيت ولمدة 24/24عالي السرعة ومخصص للأستخدام المنزلي بدون فاتورة التليفون ...مقابل 40 دولار شهرياًً (( adsl))

بيهمك الخبر اياد مبروك

زهرة الصحراء

Posted by: shadi

مبروك للأشقاء اللبنانيين وعلى رأسهم المواطنين السوريين القاطنين هناك مثل روز وإياد وعقبال عنا .. على فكرة هالميزة متواجدة في سوريا وحصراً في دمشق ولم يتم تعميمها على المحافظات بعد .. والتعرفة على ما أظن هي 6000 ل.س .... يعني 60$ طبعاً نظراً لفرق الدخل بين سوريا ولبنان ..... لا شيء يذكر:confused:

Posted by: Desert rose

مبارح قلت عنك شاطر ؟
اليوم رح غير رأي ؟

6000ليرة سوري ...بتعادل..... 115.38461538461538461538461538462.... ليرة سوري

حسبت الدولار 52 ....ياأنت حسبت غلط عزيزي ....ياأنا مافهمت عليك ؟؟

وأحلى باقة ورد لأطيب قلب شادي

زهرة الصحراء

Posted by: shadi

مو مشكلة سناء صار فيني أنو وأنا عم عقب على المشاركة انقطعت الكهربا وصرت عم كفي على ups
مع صوتها الحلو على العموم وحدة بوحدة يعني فيكي تقولي 120 دولار .... بس 60 دولار إذا اثنين موظفين اشتركوا على خط واحد ..... ما هيك وسام؟؟؟

Posted by: sulieman safar

بصراحة أنا قلت أنو انتي وشادي بحياتكم ما رح تقاتلوا لكن لا بد ما يصير شوية قتال من وراء غلطة شادي , وأنا معك سناء ما تصورت شادي بيشطح هلقد بحساباتو, يس يا ريت تخبرونا بأي لغة رح يصير قتالكن حتى ندبر مترجمين . بالنسبة لشركات الانترنت في لبنان عجبني أسمائم وليش ما عندكم انترنت الأرز, والزجل وأبو الزولف وما يشبه ذلك ولا بتحبوا تصعبوا المسائل على حالكم.
مع الحمام الزجلي
سليمان

Posted by: wisam

يعني سؤال محير
يخرج اللبنانين من ثلاثين سنة حرب لتبدا حركة الاعمار بسرعة و يتهافت السوريين الى العمل في لبنان و ما زالوا حتى الان بعد اكتمال مرحلة اعاد الاعمار تقريباً اي تمكن اللبنانيون من خلق اكثر من مليون فرصة عمل .... و لا يستغرق اللبنانيون اقل من سنة من توقف الحرب ليصبح متوسط دخل الفرد السنوي بحدود ستة الاف دولارأمريكي رغم انعدام الثروات الطبيعية لديهم ...
يعود النظام المصرفي اللبناني و البنوك اللبنانية (التي بالاصل لم تنهار اثنار الحرب) الى الازدهار بسرعة قياسية و تتم اغلب التعاملات و التحويلات و الايداعات السورية الكبيرة في البنوك اللبنانية
تدخل التقنيات الحديثة في لبنان قبلنا بسنوات دائماً
كالموبايل و الانترنت و غيره و غيره
طبعا لا داعي في تعداد الفوارق الحالية و التي استطاع اللبنانيون الوصول اليها بسرعة قياسية

ناتي الى حكاية الا دي اس ال .. يعني يا سناء كان ناقص بعد هاي يعني فعلا مش حسد بس زعلت كثير على وضعنا هون الحقيقة ما في مراعاة ابدا لوضع المواطن السوري الذي يملك من الملكات العقلية و حب المعرفة ما يملك و لكن يصطدم بواقع المرير و هو عدم موازاة الدخل لمصاريف الحصول على المعرفة
و بما اننا نتكلم على الانتر نت
انا من الناس الذي يتجاوزون المئة و خمسين ساعة شهريا و ادفع لقاء ذلك بحدود المئة دولار شهرياً
انظر للمواطن الامريكي يدفع 16 دولار شهريا مقابل اتصال بانترنت بسرعة افضل و بمدة 24/24
يعني ادفع قد المواطن الامريكي على عشرة مرات تقريباً و دخلي اقل من دخلة بعشرين مرة ... مو شي يضحك
طبعا بلا المواطن الامريكي رح ينط مية واحد يقلك هذول سبقوا العالم بدرجات
طبعا دوم كنا نرد على هالموضوع انه على الاقل واسونا بالدول العربية اللي مثلنا مثل مصر و الاردن و الان نقولها بصوت عالي لبنان
يعني الدولة لازم تدعم الانترنت كما تدعم البنزين و المازوت و ليس ان تعتبره رفاه و تاخذ اسعار ما انزل الله بها من سلطان و ما في حدا بالعالم ممكن يقنعني انه ارباح شركات الانترنت السورية ليست 1000% يعني اعتقد الساعة تكلفهم مش اكثر من ثلاثة ليرات يبيعوها اكثر من ثلاثين
و كلنا بات يعرف انه اي انسان يتمكن بظرف ساعة من تركيب ديش ضخم و وصله على سيرفر و يصبح مقدم خدمة انترنت لمدينة كاملة و بسعر عشرين دولار لاتصال اربعة و عشرين ساعة يعني يا مقدمي خدمة الانترنت الاسعار اصبحت مكشوفة للجميع

نهاية اكرر حبي لك يا لبنان و ارددها مع فيروز بحبك يا لبنان
تحية لك يا شعب لبنان العنيد
تحية لك ايها البلد الصغير بمساحته و الكبير بقلوب اهله

كنت ساطلب في نهاية مقارنتي تقديم تفسير لماذا لبنان دائما سباق
اجيب انه الانسان اللبناني

و ارجو ممن يملك اجابة اخرى ان يقولها لي

Posted by: Desert rose

رجعت حسبتها مظبوط يامعلم ؟؟

شو هالخبرية ياوسام (( اتنين بواحد ))

ماحدا سبقكن عليها والله ؟؟؟

سليمان ما بخفي عليك ......ومابعرف اذا انت بتعرفوا منيح لشادي .....كل العالم طيبة وفيها الخير والبركة .....بس الطيبة اللي عند شادي زايدة كتير .....مسالمته مع أصدقائه فظيعة ...محبته للعالم رائعة ..ووقت بيحكي بتحس الحكي ماعم بيطلع من إنسان إنما من هدوء ملاك وفعلاً بيوم كان ملاكي الحارس ومايزال .

وبصراحة ممكن أعمل مشكلة مع أكبر عضو بالمنتدى وأصغر عضو بالعمر طبعاً

إلا مع شادي .....واذا صار بتصير عجايب الدنية 8

على مايبدو ياوسام ضفنا المشاركة مع بعض المهم ؟؟

أنا متأكدة من محبتك لسوريا وكمان للبنان ....ومتأكدة أنو كل اللي أجا بمشاركتك عبارة عن تعاطف مع المواطن السوري ....وبتمنى يكون الوضع عن قريب أفضل لكل المواطنين السوريين في زمن المعلوماتية .

ويمكن السبب معروف بس الحقيقة مابدي الحق فيكتور اذا أخذوا على بيت خالتوا مين بدو يجبلوا الدخانات ؟؟؟

زهرة الصحراء

موقع زيدل سوريا حمص .. خدمات تشات و دردشة ... أرشيف المنتدى