الارشيف - منتدى الزجل ...

Pages: 1

منتدى الزجل ...
(انقر هنا ان احببت مشاهدة الموضوع الاصلي بالالوان و الصور )

Posted by: wisam

ايها الاصدقاء بعد حضوري لحلقة بقعة ضوء .. كفر الزجل ... الذي اعيد على احد الفضائيات منذ فترة خطر لي ان اكتب لكم حواراً زجلياً بسيطا مع انني لست بارعاً في ذلك و لكن بدافع المحبة و روح الدعابة اليكم هذه الزجلية الغير موزونة و اتمنى ممن يريد الرد ان يرد زجلياً و مو شرط يكون رده موزون كتير
و عذرا لعدم ايراد جميع الاسماء لقصر الابيات و الضرورة الزجلية ...
يا منتدانا انشاء الله ............... شمسك ساطعة و ما تغيب
صحبة هنية و احبة .............. فيك الحوار بيطيب
سارة و جورج والملك ............... للقلب كلامن قريب
فيكتور و روز و عمر ................ ثلاثي سحره عجيب
الله يديم المحبة .................. و الرأي دوم يصيب

بـ و عندكم يا شباب

Posted by: hosam abdulaziz

شو هالزجل القوي يا وسام اثاري عنا مواهب مخبية بالبيت و مالي خبر , بس الله يعطيك العافية مجرد المحاولة يعتبر انجاز, و انشاء الله بنشوف مواهب أخرى في هذا المنتدى الغالي

Posted by: victorwardeh

الاخ وسام ..
الحقيقة فكرة جيدة استهوتني كثيرا ودفعتني الى ان اكتب بضعة اسطر اضيف بها الى ما قلت حول منتدانا الغالي
ولا اعرف اذا كانت هذه السطور هي زجل او اشباه زجل ولكن حسبي انها نابعة من قلب المحب ..
كما ارجو من الجميع المساهمة معنا مهما كانت طريقة التعبير بغض النظر عن الجانب اللغوي او الاحترافي

ب زيدل في منتدى ......... يا حبابي لو بتشوفو
فن وتكتيك وتدبير ....... وبرحب دوم بضيوفو
وسام هوي الامير ....... ما رح ننسى معروفو

بتكتب رايك ع الاثير ......... وكلو بيقرا ع بكير
حرية راي وتعبير ........ ولا تسال شو بدو يصير
واذا بحكي هلق ع الهوى ........ بيقولو كترت كتير

جمع الشرق وجمع الغرب ........ و وحد ما بين الاحباب .
وقرب بين قلوب الكل ....... واحلى صبايا وشباب
منو مبين متل الشمس ........ ومنو بيكتب ورا حجاب
كل واحد الو ظروفو ....... وكلو في عندو اسباب
بس المهم الاخلاق ........ و نحفظ اصول الاداب

زيد ل يا ام الدني ....... يا حضن دافي وهني
علمتينا حب الكل ........ وربيتينا ع الحريي
رح نرجع يوم لعندك ....... لو صرنا فوق الميي
وهالموقع هدية الك ........ حتى نوفيكي شويي

*********************************
مع حبي وتقديري
فكتور ورده
زيدل-23/6/2003م

Posted by: wisam

شو هذا يا معلم
يعني تذكرت كلمة الاخ جورج اذا ما ني نسيان انه حتى تشم عبير الزهرة يجب ان تهزها قليلا
يعني يمكن عالمبادرة الزجلية تفجر كتير مواهب دفينة
زجل رائع و انت مساهم رائع في المنتدى و الموقع ... اكررها بشكل اخر انت من الصخور التي بني عليها الموقع و مع الشكر لكل من يشارك في هذا الموقع و لو بحرف

Posted by: wisam

اود الاعتذار منك ايتها العزيزة desert roose .. فيبنما كنت اقوم بعمل بعض التصليحات في المنتدى قمت بغلطة اوقفت المنتدى فاطررت لاستعادة قاعدة البيانات المنسوخة صباحا فمحي مقالك الجميل
ارجو منك اعادة كتابته و اكرر لك اسفي ثانية

Posted by: Desert rose

صديقي وسام...

كرمال منتدانا معقولة ماعيد

ماكان كتير صعب على ملك بالشعرمتل الدكتور فيكتور الرد بهيك كلمات حلوة قريبة للزجل....وكلنا منعرف انو عنده اطلاع واسع على الشعر والشعراء؟؟؟؟

بس انت؟

يلي مجالك بعيد كتير كتير عن الشعر قدرت تعمل شي للزجل وغير الزجل!!!!!!!!!

اذاً

انت الملك

أصدقائي:

هل توافقونني الرأي؟؟؟؟؟؟؟؟؟؟

شكراً وسام على كل الجهود اللي عم تقوم فيا والله يديمك لموقعنا العظيم...

والشكر كمان للدكتور فيكتور على الكلمات الرائعة اللي خصصا لوسام ولضيعتنا الغالية

وياريت في شارك بس صعب؟؟؟؟
;) ;) ;)

Posted by: George daboul

معقول ماشارك واكتب وأنا اللي بحاور وبطلب
من الأحبة أجمعين يحميهن ربي ويعين
بموقع زيدل مجتمين وبدمي بحلف يمين
إنو الموقع عال العال وبهمة كل الحلوين
وسام الغالي علينا وانتو مين ينساكن مين
أحلى صبايا وشباب بيطلوا ولو بعد غياب
عمر اللي مشرع بابو وفكتور الناطر ع الباب
سارةاللي ترش العطر للأصحاب وللأحباب
مزين موقعنا بوردة وبنفخر إنا أصحاب
مع حسام ومع كنان وبيعذرنا اللي اسمو غاب
محبة وشوق بنهديهم بأخلاق الصدق الخلاب

موقع زيدل سوريا حمص .. خدمات تشات و دردشة ... أرشيف المنتدى