أحلى إلو لو ضـَلّ عرشو صايـِنو ... و ْ لا يـِعتـِلي عرش الزّجل ازعَر شقي

عَ الزَعرني سائَلتِني بالامتحان ...صِبت بجَوابي وربِحِت مَرحى كَمان
شوعَرَّفو مين الشَقّاوي مْن الوِلِد .... لوما شَقي من عَ صَغَر سِنّو زَمان؟

نَطْقي وَحي رَبّي لِ وَحْيو نازِلَكْ... قِوة و جَسَر حِكْمو عَطاني نازِلَكْ
وِنْكَنْ صِرِت تِكْتُمْ رأي و تِخْنُق حَكي... دَعْوى البُكُم آخِرْ تِها يا نازي لَكْ

رَحْ إسْئَلِ مْعَلِّمْ زَكي مَسْلَكّو صُونْ ...لو ما مَسالِكْ مِنْ سَبَقْ وينْ كَنْ بيكون
ولَو ما الوَرِد يهْمِسْلَكِ بْعِطْرُ وشَذَى...كيفْ تا صِرِتْ عَصْفورِ شَبَّكْ بِالغُصون

(عصفور) هَيْدي تـْقولها لـْشاعر بسيط ... تـ َ يْقابِل الشُّعّار لازِملو وسيط

أمـا أنـا يـا صاحبي بـالـمـخـتـصَـر ... تا تختِصِرلي مَسْلكي زُور المحيط

**

جينا عَ بَحْرَكْ غَرِّنا مِنْ مَنْظَرو ...وِسْعِ الدِنّي ياخالِقي ما أكْبَرو
ولَمّا طَلَبْنا جَرْعة تا نِرْوي العَطَشْ..مالِح عَطى حَتّى وَلَو بِتْكَرِّرو

حَـكم تعيّنت انــا بِوَحي مِـن فـوق ... تـَ اكشف العظمو أصلي من المرقوق
ابو السيم: القدح مالح بدك تشربو ... اريح عابكرا الصبح توعى مشنوق

المشاركة الأصلية كتبت بواسطة waddah

دخل عيونك يا بو الزوز يا بو المنسف والأوزي اللي بيعشق زيدل محظوظ بنشرب كاسو بفيروزة

المشاركة الأصلية كتبت بواسطة غسّان

جينا عَ بَحْرَكْ غَرِّنا مِنْ مَنْظَرو ...وِسْعِ الدِنّي ياخالِقي ما أكْبَرو ولَمّا طَلَبْنا جَرْعة تا نِرْوي العَطَشْ..مالِح عَطى حَتّى وَلَو بِتْكَرِّرو

بَعْدَكْ مِثِلْ طِفْلِ بْحَجِمْ فارِسْ قَمَرْ..مِنْ تِخْلََقِ الضِحْكي عَ وَقْتِ لْ ما حَضَر
َدَخْلَك بَلا تِلْعَبْ شقاوة بالحَبِل ...مْنِ النَطْوَطة للمَشْنَقة شَبْ انْتَحَر

بانِتْ حَقَايقْهاأُمُورَكْ يا كَفور ...بَدَّكْ طِرِش تا يشْهَدّوا بْحِسْنَكْ عَ زُور
مِثْلِ الطِفِل ما غَرِّني شالِ الهَوى ... ورَح بالشِعِرْ عَرّي جَلالَك يا غُرور

المشاركة الأصلية كتبت بواسطة ABUODEE

حَـكم تعيّنت انــا بِوَحي مِـن فـوق ... تـَ اكشف العظمو أصلي من المرقوق ابو السيم: القدح مالح بدك تشربو ... اريح عابكرا الصبح توعى مشنوق

ما دام عبّودي حكَم هالمعركه ... عـَ مْخدّتي رح حطّ راسي وْ إتّكي

حاكِم بِحِكْمة هالحَكَم حايِك حِكَم ... وْكل ما حِكِي بِتْفوح زهرة ليلكي

اقتباس:

بانِتْ حَقَايقْهاأُمُورَكْ يا كَفور ...بَدَّكْ طِرِش تا يشْهَدّوا بْحِسْنَكْ عَ زُور مِثْلِ الطِفِل ما غَرِّني شالِ الهَوى ... ورَح بالشِعِرْ عَرّي جَلالَك يا غُرور

عَرّي السّما مْنِ الغَيم بيبان القمر ...... وْ عرّي البحر مِن دمعتو بـْتِظهر درر

وْ لمّا تعرّي زرار مِنْ خلْف الزرار ... بـْتِنْسى القمر و الجوهَر و كلشي ظَهَر

**

كَونَكْ صِرِت تِحْكي عَلى حَلْ الزرار.. مِنْ حَلّتو تِنْسى اللي كان و يلي صار
عَنّكْ بَقى تاجِ الزَجَل تا إلْبِسو .. وِرْجَع إنِتْ عَ الشَقْوَني مَعْ شي زِنار

حَكْمِتْ حُكومي حاكِما حِكْمو حِكَمْ...صَمّتْ أَصِمّى صَمَّموا يْصوموا صَمَمْ
مِنْ حِكْمِتو صَمّمْ عَلى دَيّوالعَدد... صَمْطى أصَم ْ صِمّو وصَميمومْنِ الصَنَمْ

لولا عـْ دربي مـْشيت مـَنـَّش ْ مشكله ... وْ كاسي إلـَك و العرش و التاج الـ ْ إلي

لاكـِن تـَتـُصـَل موقعي بـ ِ موقعي ....... صعبي عليك كـْتير هـَيدي المسأله

بِمْواقِعَكْ في مَوْقِعَكْ مَوقََعْ وَعي ... مِنّا السَما بِتْقولِ للأرْضِ اسْمَعي

لوما مِثِلْ سَمْعانِ ناداك الفَرَحْ ... ما دْعيتِني تا تِكْسِرِ وْ تِشْرَب مَعي

دَمّي مَهو سَطّاحِ لَكِنْهُم هَلي ...لو ما عِلِمْهُمْ ما قِلِتْ دُر و حِلي
فَضْلِ لْ فُؤَادُ و للْ فَرَج ماجد زِيادْ... بِجْوانُحُمْ فَوقِ الفَلَك مَجْدي عِلي

المشاركة الأصلية كتبت بواسطة غسّان;

بِمْواقِعَكْ في مَوْقِعَكْ مَوقََعْ وَعي ... مِنّا السَما بِتْقولِ للأرْضِ اسْمَعي لوما مِثِلْ سَمْعانِ ناداك الفَرَحْ ... ما دْعيتِني تا تِكْسِرِ وْ تِشْرَب مَعي

بِخْدُمْ خَدَم هالمملَكة مابِسْتَعيب ...دَمّي سَخا مِفْدي القَريب وللغَريب
إنْتِ و عَبيدَك خَمْرَكِ الفاني اشْرَبوا ...مَجْدي انا بِشْرَبْ مَرارو عْلى الصَليب

عا كثرة الصّلبان بعطيك القرار ...... تـ َ يـْبان عتم الليل من نور النّهار

كنت بـ ْصليبي و ْ بعدني صوب اليَمين ... و إنتىَ صليبَك بَعرفو صوب اليسار

]دَمّي مَهو سَطّاحِ لَكِنْهُم هَلي ...لو ما عِلِمْهُمْ ما قِلِتْ دُر و حِلي
فَضْلِ لْ فُؤَادُ و للْ فَرَج ماجد زِيادْ... بِجْوانُحُمْ فَوقِ الفَلَك مَجْدي عِلي

اقتباس:

بِخْدُمْ خَدَم هالمملَكة مابِسْتَعيب ...دَمّي سَخا مِفْدي القَريب وللغَريب إنْتِ و عَبيدَك خَمْرَكِ الفاني اشْرَبوا ...مَجْدي انا بِشْرَبْ مَرارو عْلى الصَليب

بحكمي حكيت يا حكايي فاشوش...لا تفتكر حالك بالمعركة قاشوش
يسار الصليب بيّن بحكمي موقعك...ما بينفعك عدّ القداح والخمر مغشوش

يا ظالِمِ الخُلاقِ شو أمْرَكْ غَريب ... بِتْجاحِدِ وْ ناكِرْ عَجّيبي مْنِ العَجيب
حامِلْ صَليْبَكْ للبَشَر تِستَعْبِدوا ... بْصَلْبي صَبو وَهّجْ حُرّيتي مْنِ الصَليب

فِحّي بْسومومِكْ يا قِوى شَرّا جْمَعي ... زيدي بْنِفاقو وِبْشَرارِكْ زَوْبِعي
لْسابِعْ أرضْ نازِلْ تَإقْلَعْ شَوكِتِكْ ... تا عَ السَما يعْلى بني آدَمْ مَعي

كَونِ المَحَبّي مِنْ كَلامَكْ خاتِمة ...بَشِّرْ بِعَرْشِ لْ بالمَحَبّي قايمة
كُلّلْ بِحِبّوا الناسِ مِنْ قَلْبُنْ مُلوكْ ...ولّي كِرهْ وَعّيلو روحوالنايمة

بـ ْ حيث العجيبه الـْ شفتها مع شَوفِتك ... إثبات للإنسان أصلا ً كِيف كان

**

إِنْسِيْ أَنا إِبْنِ البِداية والنْهاي ... الله خَلَقْ كَوْنُوْ لِكَوني فيهْ غاي
روحو عَجَنْ بِتْرابِ هالأَرْضِ الزَكي... زادِ العَقِلْ تا بِالعِلِمْ كَمْلِ الآي

الله خَلَقْ فَنّانِ مِشْ حِبْرِ الصوَّرْ ... خَلّاقٍ مِثْلو بالوَحي نَطَّقْ حَجَرْ
وكِلْ ما نِسي بْيبْعَتْلومِنْ لَدْنو وَلَدْ ... وِبْيحْشِرو مِرْسالِ يهْدي هالبَشَرْ

مِثْلَكْ مُلوكِ كْتارِ مَرّوا عالدِني ...تا عَ العَرِش يبْقى بيقاتِلْ وَلْدَني
قَبْلَكْ هيرودُسْ بيتْ لَحِمْ, قانا شارونْ ...بالغَطْرَسة وبَطْشوعَلى حالو جِني

من يوم يومو الشاعر الـ ْ مثلي قَوي ... بيفَصْفِص عـْضيمات كل شاعر ضعيف

ما حَسَّبِتْ رَحْ تِفْهَمو خَوفِ الوِداد ...أَو إِحْتِرامي تِقْلِبو ضَعْفِ و حِياد
نازِل على ساح الوَغى تْفَصْفِصْ عَظِمْ ..تْأَنّى عَلى بَدلِة سُنونَكْ يا زِياد

موقع زيدل سوريا حمص  .. خدمات تشات و دردشة  ... أرشيف المنتدى

vBulletin Copyright ©2000 - 2009, Jelsoft Enterprises Limited.
vB Easy Archive Final ©2000 - 2009 - Created by Stefan "Xenon" Kaeser